胡定欣于2026年2月4日立春当天，在社交平台正式宣布离巢无线电视，结束22年合作关系。胡定欣在Instagram发文，以一张健身照配文：“今天是立春，是新一年的开始。2026，一个新开始，一个好开始，带著勇气继续在工作上去闯吧!!! 新一年，决定离开舒适区，自己去看看外面的世界，期待有更多新尝试、新创作、新火花。”

胡定欣今日（5/2）现身铜锣湾出席胡曦文（Christy）旗下奢华珠宝及时尚品牌 CRISATHENA 新店开张。她接受《香港01》访问时表示：“其实上年年尾嘅时候，就系约满嘅时间，咁自己就做咗呢个决定，咁当然系经过心思熟虑过啦，亦都系愉快地结束呢一个合约嘅。（公司有冇开出条件挽留你？）我自己已经都有所决定，咁所以其实佢哋都好尊重我嘅呢个决定。”

胡定欣又指日后要重新认识自己，在工作上凡事都要亲力亲：“刚开始嘅时候，会谂点好呢，咁应该点做，咁当然我都会有去即询问下其他朋友，跟住我觉得自己都学习紧，虽然我都系一个艺人身份，但系其实你想点应该系你自己最清楚，所以我觉得喺呢啲细节上面，你自己都清楚埋嘅时候，你就真系可以好好咁样管理你自己，同埋知道自己想要嘅嘢。（自由度反而大咗 ！）其实过去嘅时间，佢哋（畀我）都好高嘅自由度，但而家系再大啲，始终同唔同嘅人合作，领域都唔同咗，因为过去咁多年，自己系以拍剧为主嘛，合作就限于演员，咁我而家最近都想摆啲心机去做歌或者系做我嘅自己嘅音乐会。”