王君馨喺去年9月上载一段IG同YouTube影片，提及人类已经身处末世，AI急速发展令真假难分，渗透教育、内容创作、影视制作，甚至出现AI艺人同AI伴侣。

王君馨今日（5/2）现身铜锣湾出席胡曦文（Christy）旗下奢华珠宝及时尚品牌 CRISATHENA 新店开张，她接受《香港01》访问时表示：“而家近排好似睇到 AI已经开始咗自己一个 Network，你知唔知AI而家请紧人做嘢，Po出来话$150美金请人做嘢。（你觉得真定假？）我觉得系真。同埋佢哋而家起咗个宗教，仲要喺 10日内，总之你要喺 AI Agent你先至可以入到去，Human净系可以睇，唔可以 comment，跟住佢哋而家已经讲埋，可能有一个 Languge系唔俾 Human去认知嘅。变咗佢哋自己可以秘密去倾，剩系倾我哋人类，我谂大家都要小心去用。”

面对AI变化越来越变得强大，王君馨始终对未知的风险及潜在问题感到担忧：“我自己嘅bb啲相，我都未够胆Po出嚟，暂时系好似都想可以保护佢多少少。（惊啲乜？）唔知网上嘅人会用啲相嚟做乜嘢，因为迟啲已经越嚟越分唔到，变咗我会睇定啲先再Po唔Po小朋友啲相。又唔系特别担心啲乜嘢，如果可以保护佢多少少，就保护佢多少少。（老公有冇叫你唔好谂咁多？）反而自己谂紧自己系谂多咗，自己有时好多好可爱嘅相，例如佢近排开始学识行路，我好想分享，但始终自己都有啲犹豫，不如就再等多一阵先啦。”