张宝儿否认发火闹袁咕碌 胡曦文爆对方凑仔真实情况：佢好辛苦
撰文： 吴子生
出版：更新：
前港姐张宝儿一向被赞是“高EQ星妈”，早前却在社交平台坦言，自己第一次严厉闹两岁大仔袁咕碌，事后内疚不已，连环向儿子道歉，更用一个暖心举动，重新为孩子建立安全感。
张宝儿与袁咕碌。（IG图片）
情绪爆煲：不收拾玩具、不肯瞓觉
事件起因看似非常日常，袁咕碌入读蒙特梭利学校后，一直养成自己执拾玩具、作息有规律等好习惯。不过近日突然“变懒”，玩完玩具唔肯收拾，又极度抗拒午睡，无论爸妈如何哄，他都坚持“唔瞓唔收”。
面对一个“唔合作”嘅两岁小朋友，加上本身已经身心疲惫，张宝儿情绪一时失控，语气罕有地变得严厉，出声训斥儿子，希望他“听话啲”兼立即跟从指示。对于一向走温柔教养路线的她来说，这是第一次真正“闹仔”。
凑B有时都几辛苦。(叶志明摄)
张宝儿今日现身铜锣湾出席胡曦文（Christy）旗下奢华珠宝及时尚品牌 CRISATHENA 新店开张。（叶志明摄）
收到很多鼓励的留言
张宝儿今日（5/2）现身铜锣湾出席胡曦文（Christy）旗下奢华珠宝及时尚品牌 CRISATHENA 新店开张。张宝儿接受《香港01》访问时表示：“其实我唔系闹，我只系教，我系会用一个肯定但温柔去讲啰，我唔系大声𠮶啲人嚟，最紧要系讲完之后个小朋友接受。同埋我觉得做父母，同自己嘅小朋友日日咁样朝夕相对，一定会有唔同嘅 moment，点解我想分享，同小朋友一齐相处可能会有争执，但系之后你点样去收补关系先系最紧要，之后睇到大家俾我嘅comment系好有鼓励。”
胡曦文是“圆咕碌”个契妈。（叶志明摄）
母亲唔易做
作为“圆咕碌”契妈的胡曦文就大赞张宝儿是一位称职好母亲：“我觉得好爽，因为佢叫我做契妈，但系就无端端就多咗契仔，但就唔使负责任，又知唔使我凑，只系间唔时佢生日，又或者节日见吓佢，所以你话我系唔系最幸福𠮶个。因为凑一个小朋友真系要好多心血㗎，有时我都问宝儿攰唔攰㗎？佢都会话好攰好辛苦，所以我系好佩服佢，所以话做妈咪唔容易。”
胡曦文系“圆咕碌”契妈。（叶志明摄）