黄浩然日前接受《01娱乐》由零说起专访，除了回顾入行29年来的电影、电视之路外，他也分享了跟圈中前辈相处的点滴。浩然向来长辈缘旺，除了与郑则仕（Kent哥）因拍《情越双白线》结缘而情同父子以外，他亦加入了发哥周润发的跑会，与一班长辈齐齐跑步，访问中他就分享了这两位前辈私下一面。
服装：CLOT
黄浩然专访｜拍剧十年日睡4小时终大病　辞演火速被代替认清轻重
黄浩然专访｜入行29年只得飞跃奖　惭愧未去过金像奖：希望有提名

主动问候广结善缘　与众多老戏骨保持联络

笔者指黄浩然圈中长辈缘似乎很好，他说：“因为好多时我未合作过𠮶啲，我见到佢哋我都会打招呼，行埋去大家问候吓咁样，Kent哥真系，仲有鲍姐（鲍起静）啦，而家鲍姐都有一齐跑步，仲有郭锋因为喺《碧血盐枭》，李添胜嘅，佢做过我阿爹，我哋都耐唔中有联络。”相信很多人都知道浩然与Kent哥感情深厚，过往他在电影、电视演过不同人的儿子，为何跟Kent哥特别投缘呢？

获郑则仕邀返家中叹住茶排戏　日对夜对建立父子情

相信很多人都记得，浩然在剧集中其中一个“名场面”，便是在《情越双白线》被郑则仕连环掌掴，他透露二人对手戏很多，并且在开戏前个多月已日对夜对倾剧本：“Kent哥系一个好热爱演戏嘅人，佢会用尽方法令到件事好。所以佢好早，我一接到个剧本，𠮶阵时我系住喺佢附近嘅屋企，佢已经系打俾我‘喂，浩然，咁样样，我好直接嘅，我想呢件事好，不如你嚟我屋企排吓戏。’”那段期间，Kent哥亲自驾车接载浩然到自己家里作客，“一路冲晒茶，食住tea咁样去倾剧本，慢慢慢慢……讲真嘅，我未试过系咁样样去运作一个电影或者一个电视剧，不断不断咁样沟通，不断咁去交流，我谂个感情系咁样去建立。”因此，在剧集结束后，双方仍保持联络、互相关心，当Kent哥见到浩然的作品时，会给予意见，去年亦与太太去捧黄浩然的舞台剧《三．八》场，情谊如两父子。

渣马赛后获发哥邀饮茶　为见证Kent哥变健康入跑会

至于周润发，他本身是Kent哥好友，浩然与他慢慢熟稔亦跟Kent哥和跑步有关。月前的渣打马拉松上，郑则仕成功挑战10公里赛事，令全网佩服不已；尤其马拉松常客发哥率领住一班70、80岁的老戏骨如鲍姐、刘江等慢慢跑，更感动不少人。浩然就透露，自己本来都跑开马拉松、三项铁人，几年前跑完渣马，发哥主动邀请他饮茶：“发哥系一个好好嘅前辈，佢话‘浩然，你跑完，我哋一齐去铜锣湾饮茶。’第一次，跟埋佢哋成班饮茶，𠮶时我仲未系佢跑会，直至因为Kent哥跑，跟咗发哥，我好开心见证到佢个身体慢慢慢慢健康，我同佢关系亦都好似亲人咁嘅，佢话一齐嚟玩，我梗系去啦，因为我都好想陪佢一齐去见证呢样嘢，就开始跟咗发哥一齐跑。”

揭发哥亲自接载卢海鹏练跑　大破相士“唔过79岁”预言

发哥出名亲民，平时有人找他合照他必定来者不拒，浩然就透露更多发哥在跑会时的暖心举动，大赞他：“佢系一个毫无巨星架子、好随和、好贴地，亦都好关爱身边无论后辈，无论前辈嘅人，佢系好紧张我哋每一个人好唔好。”浩然去年原定要参加毅行者，尽管最终因宏福苑大火延期，但在赛前准备、练习的阶段，发哥都陪他练跑。他还分享了发哥与鹏哥卢海鹏的故事：“你见到佢对老人家，佢都会想你好，不厌其烦譬如佢去邀请你，甚至乎佢自己揸埋车去车鹏哥卢海鹏去跑步。佢都讲㗎，𠮶阵时鹏哥唔知78岁，佢话‘𠮶时啲相士话佢过唔到79定80㗎，我就朝朝车佢去跑步，朝朝同佢跑，慢慢慢慢跑，慢慢慢慢行，唔俾佢停！佢依家80几岁啦！’”

规划路线再包办跑后饭局地点　发哥施计氹Kent哥跑10K

除此之外，发哥在跑会中也是一位可靠的领队，组织力强又无私：“其实每一个礼拜六我哋都会一齐跑嘅，佢系礼拜四就会写定晒‘嗱，今次我哋就跑边段， A组跑远啲就呢度至𠮶度，你哋B组冇咁快，就跟住我。’佢系真系傍住Kent哥，喺佢侧边，一齐跑。佢仲要安排埋跑完你去边度食饭，所有嘢！佢好关爱身边每一个人，佢完全冇私心，冇任何利益，佢只系想你好，呢一样系好直接好纯粹，所以我觉得好值得我哋去学习。”Kent哥之所以成功练到10公里，原来是发哥背后的小计谋所致：“慢慢Kent哥由跑得好少，再到10k，发哥又话‘𠮶边冇咁晒，兜去𠮶边啦！’其实又兜远咗㗎喇㖞，佢好生鬼㗎！”虽然跑会平时不会时常合照影相放上网，但其实定期聚会，更有生日会！浩然表示：“𠮶个月份𠮶啲生日之星，发哥都会唱生日歌俾佢听，我哋都会搞生日会。”相信听完浩然的分享，香港人一定更爱发哥了！