因登上TVB节目《东张西望》而轰动全城、曾怒斥五名子女拿走450万积蓄的“何伯”（何煊），惊传周一（27日）已于医院离世的消息。曾访问他的YouTube频道“花生速递”今午（28日）开直播，交代何伯死因及离世前的情况，更公布一段何伯临终前的录音，指“阿伯最后一啖气都有说话想同河马讲”，虽然部份内容含糊不清，但仍听到何伯说：“𠮶个衰婆呢，想我死嘅！但系我仲喺度，个衰婆⋯⋯有咁多衰嘢 ，佢自己心知道。”主持人更表示这段录音是何伯要求他播出。

2024年，何伯因与比他年轻逾30岁的“何太”（叶秀定）展开忘年恋，甚至在节目中高调晒恩爱，一夜间成为全港网民茶余饭后的热门话题，更是年度话题人物；不过最终二人反目分手，何伯更因爱成恨用刀刺何太，还柙期间入院，上周（21日）在未能出庭情况下被区域法院裁定意图蓄意伤人罪成，判监2个月，今日传来于医院病逝消息，为这段曾经轰动全港的忘年恋划上句号。曾访问他的YouTube频道“花生速递”主持人今午开直播证实死讯，表示：“何伯喺香港时间寻日大概中午12:30去世，喺医院离世，佢绝对冇入ICU，或者插晒喉，佢系瞓住咁样离世。”他透露早前有牧师去医院见何伯，有人以为是定期探访，但其实是帮何伯洗礼：“隔咗两日阿伯就咩咗，安详走咗。”

他强调何伯绝非因为不想坐监而要求入院“玩嘢”，再详述：“阿伯系乜嘢病呢？喺佢早前做完小肠气手术，已经同大家提示过，佢要去抽啲唔同嘅组织，6月5号最后一次做完呢一个照完镜之后，发觉佢肝硬化同埋有癌细胞喺佢个肝附近，甚至乎有好多癌细胞围绕佢个肝……”他续说：“佢有肝硬化同埋肿瘤，之后confirm咗系肝cancer，所以之后就算有段时间佢返番去病房，系要抽吗啡畀佢滴，都觉得佢系冇得医，同埋早前……我都知道几个礼拜，甚至今次last上庭之前我已经知道咗，医生讲咗话佢可能得几日至一个月命，所以之前真系唔可以讲得咁明，你哋话河马因为阿伯判得轻，河马亦都会判得轻呢一样嘢，我真系提示咗大家，畀咗贴士，唔可以讲得咁明，但系而家可以讲畀大家知，因为医生报告入面有依一样嘢，所以先至判阿伯坐完还柙期间，先至可以即刻出嚟。点解判佢咁短？因为医疗报告写咗呢一样嘢，所以判佢两个月，因为第二个医疗报告应该系写咗话佢剩返落嚟嘅日子唔长，所以先判佢两个月，河马，你听住。”

主持人之后更公开一段录音，是何伯在医院晚期所录，是他想对何太说的话，主持人说：“阿伯最后一啖气都有说话想同河马讲，以下录音就系阿伯要求我喺呢度播出嚟俾河马佢听，讲嘢非常唔清楚，我听咗录音三四次都听唔到佢讲啲乜嘢，净系听到自己做错嘢，希望你自己去认，话个衰婆大家听吓条录音！”而何伯虽然难以清晰吐出一字一句，但仍隐约听到他说：“𠮶个衰婆呢，想我死嘅！但系我仲喺度，个衰婆⋯⋯有咁多衰嘢 ，佢自己心知道，佢谂住，千祈唔好唔承认就得……”