苏皓儿（Chloe）昨晚（11日）出席医美品牌活动，状态大勇的她身型极佳，随即成为全场焦点。接受《香港01》访问时，Chloe毫不吝啬地分享自己的保养与身材管理心得。

一周两次Gym加冷冻溶脂 成功告别小腹烦恼

谈及如何保持极佳的状态，Chloe透露除了规律运动外，最近更尝试了美容科技：“我通常会做好多运动啦，改为一个礼拜都抽两日去Gym同埋做有氧。加埋最近有尝试做冷冻溶脂，我自己觉得好有用呀！佢有部机帮你冷冻啲脂肪，啲脂肪就会结成晶，然后你再推送佢，麻痹咗几日之后，佢就会慢慢消退。我第一次做完就见到个小腹慢慢开始平咗。因为其实女仔几瘦都好，都会有小腹！做咗几次之后而家就冇咗啦。”

工作前加码甩水肿 体脂降至19%

提到平日穿著贴身或性感服饰时会否感到压力，Chloe爆笑分享独门“Hold肚”技巧：“如果要穿露腰嘅衫，我通常拍12个小时，我都会Hold住个小腹12个小时！同埋食少啲嘢，佢就唔会咁突出嚟。通常如果有啲好重要嘅工作之前，我就会做机冷冻溶脂啦、做多啲运动消下水肿，保持个完美状态。”

她更透露目前体重约为47公斤，体脂率已降至19%：我而家47kg，最近去Check个体脂系19%，已经比我啱啱做Gym𠮶阵低咗好多！因为而家都夏天，或者有时工作都要穿泳衫同埋贴身衫，都想自己再Fit啲，维持住而家嘅Level。”

坦言偏好自然紧致 拒绝后天“加工”

被问到近年医美普及，会否考虑透过手术改造身材或上围，Chloe非常坦率地表示对现状感到满意，更偏向自然提拉的疗程：“我偏向做提拉多啲，例如HIFU，去做返紧致，呢个想法多过后天嘅加工。因为都习惯咗，大家都唔习惯我有负担嘅样。我平时去打网球或者跑步，啲人话我咁轻身一定系跑得快，我系轻巧型，个人比较轻盈、冇咩负担，我觉得呢个状态几好呀！”