电影《厨师发办》昨晚（17/8）于圆方举行盛大首映礼。有份参与演出的新晋演员黎纭蔚（Vivian）亦有现身。她接受《香港01》访时大谈首次挑战喜剧的感受，更畅谈自己对感情与交友的独到看法。

谈及自己在电影中的表现，Vivian坦言：“我觉得我嘅演技系有进步嘅空间啦，但如果第一次拍戏嚟讲，我都估唔到自己可以做到咁搞笑，因为呢套都叫笑片啦！”

提到拍摄时的压力，Vivian直言自己要求甚高：“压力系有嘅，我会想自己做好啲。我觉得搞笑，但可能观众未必喺我嘅表情用到搞笑，所以我一定要做到人哋眼中觉得我搞笑，呢啲喺对镜又好、上演技班又好，都磨练咗好久。”

对于她讲话语速极快，Vivian笑言：“系呀，语速快系一件好事嚟嘅！但拍摄时我自动会识得配合番𠮶个角色、𠮶个场景需要嘅速度，导演都冇特别叫我讲慢啲。”

此外，电影题材涉及交友应用程式，被问到私下有否尝试过“网上寻爱”，Vivian即时摇头抗拒：“我从来未试过用交友Apps！我好怕好多诈骗啊，因为我惊自己‘识人不深’、惊自己识错人！”她更直言不喜欢网络世界的不真实感：“因为Dating App睇到嘅都系文字，大家用自我介绍去形容自己，同埋啲相好容易修过图，根本唔系𠮶个人嘅真实样貌。如果约出嚟发现唔系𠮶个样，咁就尴尬喇。”

她强调自己更喜欢传统的相处方式，需要经由共同经历，如上课、工作互相了解。被问到会否担心现实中也会遇到“渣男”，她幽默回应：“虽然现实真人相处都会有渣男，但机率点都少过交友App嘅嘅诈骗。”