元朗近日发生巨型犬咬死两只小狗的恐怖惨剧，震撼全城，亦勾起圈中一众爱狗艺人的惊魂回忆。港姐冠军陈庭欣（Toby）坦言看到新闻后心情大受影响，皆因其爱犬“一姐”早前亦曾在街上遭邻居的守门犬咬伤，屁股皮开肉烂，要即晚接受手术。看着爱犬术后痛得不停哀鸣，让她心痛不已，历经整整一个月才完全康复，深感宠物安全问题容不得半点马虎。

陈庭欣痛心爱犬遭突袭受伤

陈庭欣一直都是爱护小动物人士，谈到元朗“狗咬狗事件”，她直言心情受影响：“之前我唔喺香港，家佣姐姐带‘一姐’落街，点知附近有只守门犬冲出嚟咬佢，好彩只狗好快放口，但‘一姐’伤口已经好深。当时我只能透过视像了解，有个邻居读紧兽医，佢就教我爸爸处理。”当晚“一姐”接受手术后不停哀鸣，由家佣姐姐陪伴至清晨才安静下来，令Toby心痛不已：“佢用咗一个月时间先至好番晒，我仲担心佢以后唔畀人摸Pat Pat，点知又冇㖞！”

姚子羚关嘉敏呼吁出街必须拖绳

曾被爱犬咬伤面部却依然对动物不离不弃的姚子羚，对惨剧感到痛心之余，亦直言狗只行为全看主人如何教导：“放养唔一定系好，狗仔最无辜，因为佢哋嘅行径视乎主人点教导同照顾。”她透露每次带13岁爱犬“通仔”落街一定会拖绳：“仲要保持狗只嘅社交距离，咁对佢同其他狗都最安全。”庄思明亦分享了过去对爱犬“Haru”的放绳险象，庄思明坦言：“我试过喺一段冇人嘅山路放绳畀只唐狗跑，点知遇到一只大狗，佢哋打交整伤咗人哋只狗，我都好内疚，从此只狗出街都会戴口罩同一定唔会放绳！”

关嘉敏向来对爱犬“Two Two”关爱有加：“主人有时觉得好熟悉自己嘅狗，但狗狗可能受到某啲气味或环境影响触发情绪，所以绑绳好重要，有时可以用埋口罩防止意外发生。”曾在郊外放绳时惊见野猪靠近，吓得她自此坚定使用狗绳：“试过同狗狗去郊外，见乜人都冇，周围又有围栏，谂住好安全，咪放绳等佢跑吓，点知突然有只野猪，‘Two Two’仲要行近佢，好惊佢哋打交，好在野猪当我只狗冇到，𠮶次惊魂之后，我一定用狗绳！”

MIRROR成员AK Ian呼吁带狗出街切勿松绳

男团MIRROR成员Ian（陈卓贤）与AK（江𤒹生）同样提倡出街必须拖绳，Ian指出狗狗兴奋时难以即时控制：“带狗出街会小心，因为有阵时未必迅速控制到佢哋，狗绳一定要有。有时佢哋兴奋，玩起上嚟周围跑好危险，路上多危险嘢发生。”曾为救小朋友被狗咬伤神经线的AK亦表示：“喺特定地方，同埋对自己只狗好了解同好有信心，先好松狗绳。”数年前他曾因救小朋友而被狗咬伤手指，更伤及神经线，但无损他对动物的热爱，最近再收养多一只狗狗。