“张与辰花啦啦助学金-黄大仙区小学成长计划”颁奖典礼今日（11/9）隆重举行。歌手张与辰出席颁奖典礼并资助66名基层学童，盼透过“苍蝇”IP花啦啦传递纯真与希望。张与辰接受《香港01》访问，大谈是次助学金的筹款过程、小学时期的音乐启蒙。

透过“花啦啦”利是筹集助学金 盼鼓励黄大仙区基层学童

谈及这次助学金的来源与帮助对象，张与辰透露主要是集结了大众与合作单位的力量：“我哋系透过购买朋友畀花啦啦嘅利是啦，佢嘅生日或者系过年利是等等，去筹到呢一笔钱。同埋儿童未来发展计划，大家一起组出来去筹到呢一笔基金，去帮助啲小朋友。”

被问到受惠学童的类型时，他补充：“主要我哋呢次系帮助黄大仙区，因为𠮶时我哋将呢笔钱交畀佢哋嘅时候，系由我哋嘅校长去拣呢啲学生，拣有些系成绩好好嘅啦，或者是表现好好嘅呢啲小朋友，畀佢哋一些鼓励，都是属于基层嘅小朋友。”

重返小学校园大感放松 坦言从小受母亲影响爱上唱歌

再次踏足小学校园，张与辰坦言有种重温童年的无忧无虑：“我觉得返到小学会有一种好放松、好开心嘅呢种感觉。因为我嘅小学环境其实好开心，𠮶时候无忧无虑嘛，乜都不用烦！大家成长咗之后先知道点解我哋叫‘凡人’。”

谈到最初的音乐启蒙，张与辰笑言三岁时已跟随母亲登台：“其实我由细细个已经系妈妈带我，因为三岁嘅时候，妈咪就带咗我去睇佢表演，跟住就带埋我上舞台。跟住由𠮶一刻开始，其实就已经好钟意唱歌。所以小学嘅时候，只要学校有得唱歌嘅机会，我就一定会企上个舞台。”他亦表示至今仍会向母亲请教唱功：“以前我唱歌唔钟意用力嘅，好似好懒咁，佢就话你咁样嘅话你把声会听不到，教我用多啲丹田、用多啲力，将把声推出来多啲。”

《中年好声音》成人生转捩点 曾打算无名气即返马来西亚接手生意

张与辰坦言在参加《中年好声音3》前，人生正处于极为平静的阶段，甚至已做好了最坏打算：“做音乐做得太耐啦，同埋成个人生一直都是平平咁样。虽然喺台北发展嘅时候有好多幕后工作，但我就觉得系可以唔用嘅人喺台北𠮶度住，先至做得到嘅事情，因为好多都透过网上做。我就谂不如返去马来西亚啦，陪下屋企人，帮下屋企人打理下生意，有时间嘅时候做下音乐。如果《中年好声音3》无名气嘅话，我会返返马来西亚打理点心楼。”

他形容参赛是给自己的最后一搏：“𠮶时真系谂住反正都要返去啰，咁不如试多一次啦，就咬紧牙关过嚟香港参加呢个比赛。呢整件事情到今时今日，其实我自己觉得系好感恩，同埋系一个好大嘅礼物。”