范振锋（阿范）与唐嘉麟（KT）及崔建邦今日(7/10)一同现身黄埔新城广播，为全新节目《大风吹》进行宣传造势活动。谈及与KT合作的感受，范振锋接受《香港01》访问时大赞对方成熟了不少：“佢好啊，佢几靓啊，啲纹身几靓！佢表现好好，佢个名都够啦，月饼咁出名！”

KT接著说：“我觉得系三代唔同嘅artist咁样，三代同堂，同你同一堂呀嘛！我呢就真系新做DJ，我未做过，未踏入过电台，除咗做嘉宾之外。反而阿范（范振锋）做咗好耐啦，阿Bob（林盛斌）又做咗好耐啦，佢哋反而带动到气氛。”

范振锋更回忆起两人认识的过往，指当年透过林盛斌（Bob）认识KT，目睹了KT多年来的变化：“识KT好耐㗎啦，𠮶时《兄弟帮》我哋已经认识。就算《兄弟帮》之前都知道有呢个人，因为𠮶时阿Bob成日提及佢，话佢住喺我哋附近呢度啦，跟住成日指畀我睇：‘呢架车咪𠮶个KT啰’，跟住其实都未识佢，但听过KT呢个名，对佢有印象。终于喺以前《兄弟帮》做𠮶时就见到。佢依家唔同晒啦，你睇佢穿咗环又多纹身，纹身都贵㗎其实，又忍得痛啦！所以觉得佢依家成熟咗好多嘢，起码忍得到痛，纹身我都唔敢做。所以觉得佢成熟进步咗好多，同以前做《兄弟帮》时都唔系差两个人，系差六七个人！”

被问到KT一身纹身兼穿环是否代表性格桀骜不驯，范振锋笑言：“我觉得佢好有自己个想法，你要干预佢、左右佢呢，系冇乜可能。呢啲好自发性嘅嘢，你逼唔到㗎嘛！所以如果要同佢讲点样做点样做呢，你都要有一个好善意同埋有选择嘅方法同佢讲，可能佢就听吓你、接受吓。如果你逼佢呢，我觉得系冇啦。”

KT笑言自己无意反抗 透露当年面试新城失败往事

对此，KT则幽默回应自己其实相当随和：“都冇试过咁样，我哋三个嘅自发性都会咁样搭某啲位。讲咩topic或者我哋讲讲吓嘅时候，有啲烂Gag边个就做下靶，其实好自然，因为一定要节目气氛㗎嘛。所以其实我哋三个都有化学作用。”

二人相识十多年，KT透露早在入行前就曾申请过新城广播的工作，更差点成为新人：“我入行系正正式式签管理公司，应该系15年前。好耐之前我未入行，阿Bob爷就话：‘冇嘢做？冇嘢做去新城见下Sales啦！’跟住我都话好啦，你话事啦，咁就嚟面试，但最后都系失败嘅！因为可能我𠮶阵又戴帽，𠮶阵又好似要Skinhead添！同埋最后就冇请到我，点知依家先嚟请，啱啱听完都笑死！”