港铁乘客疑冲门　iPad及AirPods被车门夹烂“分尸”　网民嘲抵死

乘搭港铁切勿冲门！近日有港铁乘客疑似冲门，结果装有iPad及AirPods的袋子被车门夹烂“分尸”，iPad被夹弯之余，散开成两部份，屏幕碎裂，损毁非常严重。该乘客于网上发文分享损毁情况，引来网民嘲讽及批评冲门，“自己攞嚟衰”、“哈，抵你死，咁钟意冲门，等多班会死咩”、“唔冲门点会夹成咁，当交智商税啰”、“苹果终于有折机”、“无爆炸你执到啦，炸烂道门你要赔㗎”、“净系冇咗部iPad咪好彩，扫烂咗隧道𠮶啲设备你破产都赔唔起”。

更有网民留言声称目击过程，楼主未能冲进车厢，人留在月台，月台有乘客见到袋子被车门夹着立即按紧急掣，“全车人为咗佢开出咗都要倒返后”。

该港铁乘客于Threads发文惨呻“绝望之门”，从他上载的照片及影片见到，装有iPad及AirPods的袋子被港铁车门夹着，惨遭“分尸”，iPad散开成两部份，屏幕碎裂，AirPods亦散开部件。

港铁乘客疑冲门　iPad及AirPods被车门夹烂

有网民留言声称目击过程，“人（楼主）在月台，个袋俾架车夹咗，幕门冇夹，架车开出咗，但架车都俾人喺月台拍咗紧急掣停咗”、“全车人为咗佢开出咗都要倒返后”。

网民嘲抵死：无爆炸你执到啦

不少网民直斥楼主冲门，“肯定冲门啦，累到成车人陪你喺度等”、“冲门嘅代价，食得咸鱼抵得渴，仲要全部人陪你一齐delay，上唔到咪下架啰，而家又唔系冇车”、“又要学人冲门，人又唔够快，又唔够灵活，2-3分钟就下一班啦，都唔知冲乜鬼，迟出门就预咗迟到”、“其实香港港铁啲车咁密，唔使冲门啫！等3几分钟就有下一班车，好快啫！”、“每次见到呢啲都觉得𠮶啲人唔系好识去权衡轻重，都系讲紧几分钟，如果真系咁赶早啲出门口解决一切问题”。

有网民则说，“iPad和AirPods表示呢程车系人生最痛苦的一程”、“大半个袋都喺车门外面，就算apple care未过期，部iPad嘅医药费随时拍得住部新机”、“如果因为冲门夹住嘅物件整坏幕门，到时全世界一齐冇车搭之余，地铁要你赔先最大镬！”、“MTR仲可以告番你添，破坏列车”。

网民：要等几耐都唔应该冲门

有网民就指出，“佢呢度应该系康城，12分钟一班”、“你试下夜晚等屯马线，等到你火都嚟，走一班等成8分钟9分钟都够胆死，成日要睇住个Apps落月台追车”、“康城同落马洲好多时3、4架车先有1架，唔止等10分钟，不过要等几耐都唔应该冲门”。

有网民分享，“唔知楼主系咪冲门，但系之前调景岭放学，当时冇任何闩门提示声，我好普通咁行入去车厢，然后一嘢闩门夹到我XK，然后开返道门隔咗一阵先开车，唔知系职员揿错掣定咩”。