桦加沙｜地盘天秤吹至倾斜旋转　居民呼恐怖　内行人：自转好安全

【最新台风消息／天气消息／天文台／台风路径预测／路径／打风／桦加沙／10号风球／热带气旋】超强台风桦加沙袭港，天文台凌晨发出10号风球，有多名网民拍摄到住所外地盘天秤被强风吹至不断旋转、倾斜，吊勾随风摇摆的情况，均担心天秤会否倒塌或撞向民居。

网民纷纷留言表达惊恐心情，“呢个真心惊！边瞓得着㖞”、“加埋风声雨声，真系好惊好恐怖呀”、“呢样嘢一但塌下来，伤害更重”。不过有熟悉地盘运作的网民指出，“唔使太担心，全香港天秤都系咁，佢呢个大勾无得落地。如果你睇到把秤识自己自转，就安全。因为打风期间要放个转动掣，任由佢360度自转。好大风唔识自转，呢个就要担心，因为有机会把秤会冧咗落嚟”。

桦加沙袭港下，不少市民一夜未能安眠，多名Threads网民分享其住所外地盘天秤的情况。有土瓜湾居民拍摄到荣光街与鸿福街交界地盘天秤被强风吹至倾斜，吊勾不断摇摆，他担心会撞向旁边大厦民居窗户，表示“好想叫醒右边𠮶幢楼嘅人，见到有高层住户已经爆咗玻璃（𠮶户有开灯应该已经安全）”。

地盘天秤吹至倾斜旋转　居民呼恐怖

另有港女于崇安街角度拍摄同1个天秤，表示“个风都唔太惊，但个天秤真系好！恐！怖！原先都无咁近，头先呯嚓一声，就再近咗，仲要个高度系啱啱打中我哋个窗，cxs！”。

土瓜湾街坊：唯有唔好行近个窗同祈祷

港女说，管理处得悉事件后报警，获告知评估后无危险，“咁唯有唔好行近个窗同祈祷”、“因为又真系无打到我哋，所以都无嘢做到！但视觉上真系好恐怖！”。

港女约4小时后留言报告最新情况，“依家见佢俾风吹到直左，唔再转啦，希望佢keep住依个样！依家嘅距离好令人安心”。

另1名网民：成支向正过嚟好有压迫感

此外，另1名港女发文分享另1支天秤的情况，指出“本来系锁实向住左边油麻地戏院后边起紧嘅建筑物，到半夜4点几，10号风球之下已经系变咗360度自由转，成支向正过嚟嘅时候真系好有压迫感”。

著名体育主持人兼评述员丘雨勤亦分享其住所窗外两支天秤不断来回摆动，表示“2018年嘅山竹同今日嘅桦加沙最大分别？就系多咗呢两支嘢喺我面前摆来摆去！”。

网民：lock住佢食晒风咪仲危险

网民纷纷留言担心道，“离开窗边瞓地下吧”、“千祈唔好跌落嚟”、“坚得人惊，望住佢哋，心都离埋”。有网民就指出毋须担心，“现时是‘松秤’状态，即固定掣已经松开，咁样可以保证天秤的安全”、“天秤不嬲打风都唔lock由佢吹㗎啦，lock住佢食晒风咪仲危险”、“佢唔识转你先要惊”。