付款时切记要看清银码！糖宫甜品专门店于网上发文表示，尖沙咀分店有男店员“手脚唔干净”，顾客选择八达通、支付宝或微信支付时，会多收100元，然后在下班前取走多出的金额。糖宫指出，已即时解雇该店员及报警处理，另呼吁顾客若在10月1至27日曾光顾尖沙咀分店，并怀疑付多了钱，可致电或WhatsApp 5133 3776对单，如确实后会马上退回有关款项。

糖宫甜品专门店10月29日于Threads发文表示，“各位于10月1日至10月27日，嚟过尖沙咀糖宫嘅食客请注意，因为本店有位男同事手脚唔干净，向八达通、支付宝或微信支付收费时，会向金额上加多$100，然后收工前取回多出嘅金额”。

尖沙咀糖宫收银落格　电子支付每单多收$100

糖宫指出，已即时解雇该店员及报警处理，并呼吁“如果呢段期间，你哋有嚟食过并怀疑畀多咗钱，可致电或WhatsApp 5133 3776（King）对单，如确实后，会马上退回有关款项”。

糖宫致歉　吁顾客联络对单退款

糖宫就事件致歉，“本店非常抱歉有关收多咗嘅钱，以及浪费大家嘅时间去check有冇收多钱，已知有关古惑收费大概有50单左右”，并盼广大网民帮忙转发帖文，希望各事主可收到有关讯息。

糖宫又说，虽然他们亦是受害者，但会负责任赔偿予有关客人，“以至唔会辜负各位对我哋嘅信任同支持，所以希望尽快退还有关款项，并揭穿骗徒真面目”。

糖宫分享对话截图　证退款予顾客

糖宫分享多张与顾客讯息对话及分店结帐记录截图，有顾客光顾了107元，但使用八达通付款时被收取207元，即多收100元，顾客传讯息联络糖宫，经确实后，糖宫退回有关款项。

网民提醒付款要看清银码

网民留言表示，“𠮶位男同事真系好onX，电子交易一trace（追查）就查到，根本无得走”、“咁onX嘅，夜晚一对数有出入㗎㖞……卡机同pos机要每晚对数，2条数有相差，仲要咁大数”、“搞咁多先偷到5,000蚊，叻仔”、“好明显部pos机唔系直接连去卡机收钱，而系要人手喺卡机入金额啦”。

有网民惊讶“原来咁多人畀钱唔睇银码”，有网民提醒“街市买𩠌都会有呢啲情况，博你唔立即用手机check数，行开咗就唔认数，所以都系现金安全啲”、“所以食客唔好快，见到银码同单一样先好拍落去，除非信用卡机嘅八达通收$，就叫个收银员畀你睇个银码再拍，而家好X多老鼠”。

网民赞糖宫：有膊头，良心店

不少网民赞糖宫处理手法，“呢啲舖头要畀good，有担当”、“有膊头，良心店”、“呢啲咪就系负责任嘅做法啰！出咗事唔会只系谂卸责，而系谂点样完满解决事件，咁先可以留得住客人”、“自己蚀底都愿意贴返畀客人！好店舖！祝你越做越有！但系小心咁样开posts有人出嚟搏懵啊”、“同另外一间连退返几10蚊都唔肯，会恐吓客人嘅蛋糕店形成强烈嘅对比”。

有网民建议，“店主可以check埋有冇落咗单之后俾手脚唔干净嘅人取消返张单，因为如果个客系畀现金，佢就可以直头袋晒啲现金走”，糖宫回复已看了两日闭路电视画面。