看行车记录仪（车cam）找续当刻画面最实际！网上流传的士司机与乘客骂战影片，双方就车资找续问题争执，司机最终有找回1元，惟乘客不满司机态度差劣，下车后报警及拍片不断爆粗怒骂司机“我叫你找钱你话我乜X嘢？你找钱唔X系应该呀？”，最终双双到警署录口供。

不少网民留言指出，单看影片没有前传难定夺对错，“谁对谁错难判断，不过其实睇条片，边个粗口多啲呢？”、“但我剩系听到影人𠮶个不停讲粗口，都系唔好跟车太贴”、“车厢有摄影机的，双方不用争吵，等差人”，有网民则说“几银嘢，嘈到咁，香港人系咪真系穷到咁呀！”。

有网民于facebook群组“车cam L（香港群组）”发文发片指出，“唔想找返钱畀乘客？仲声大夹恶返乘客？咁都得？备注：事主已报警，双方差馆落口供，咁呢单嘢……”。

的士车资找续爆骂战

楼主转载1段约2分半钟影片，见到1辆的士停泊在路边，乘客一直对着下了车的司机拍摄，起初约半分钟，两人均未有说话，直至司机从车头绕到车尾，走近乘客后开启了骂战。

乘客不满司机态度差劣

司机指“超，你影嚟做咩啫”，乘客问“好X惊上镜呀你而家？凶X我呀嘛”，司机反问“我凶你？咁叫凶你呀？”，乘客斥“唔X系凶我呀？吓，我叫你找钱你话我乜X嘢？你找钱唔X系应该呀？”，司机无奈道“你讲乜都得啦”。

乘客怒骂“我使X惊你呀？X你老X，我要你找钱天公地道啦，你老X凶X我？”，司机问“我有冇找钱畀你呀？”，乘客指“你有找钱畀我，你揸X住嚟凶X我啰，唔系我会落嚟同你嘈？”，司机回应“你慢慢嚟”，接着双方均指自己“好得闲”。

乘客爆粗怒骂司机：的士败类

乘客未有收起怒火，继续骂道“我揸X住个45蚊，揸X住个5蚊，你自己跌撚咗关我X事呀？”，司机回应“咁我咪话得啰，自己揾啰”，乘客不满指“你系咪话我乜X嘢先？男人老狗，讲得到做得到”。

司机冷静问“而家边个粗口烂舌先？”，乘客指是司机，司机露出惊讶又无奈表情，乘客指司机“撩交打”，司机“我咁叫撩交打呀？”，乘客斥“我而家要俾你X呀？我而家做乘客咋”。司机回应“我都系1个司机嚟啫”，指出已找了1元予乘客，又警告“唔好郁手郁脚呀你”，表示等警员到场。乘客续指司机是“的士败类”，“你大X把机会上镜呀你”，司机回应“多谢你”，影片就此完结。

司机有找回1元　双双到警署录口供

楼主分享与事主的对话截图，事主指出司机最后有找回1元，“我攞返1蚊之后，佢仲𥇣住我，跟住就话望乜X嘢呀？然后落车去我车门度，我即刻攞手机拍片影相报警”，拍片时间约凌晨1时45分，后续警员到场后登记双方资料，取走行车记录仪画面及录口供。

网民：没车内对话难判断

有网民留言批评乘客，“我就系见到片主系咁X人老X”、“没有车内对话，睇呢段片无法判断系唔系西司机，只可以表达咗片主一定系西客屎忽鬼”、“唔好以为拍片放上网公审一定啱，大声粗口唔代表正义”、“又为𠮶一个几毫嘈交，香港真系成功地由投诉之都变成咗戆X之都！”。

有网民就指出，“畀贴士系乘客自愿，唔系奉旨，DCX好多当奉旨”、“今日法庭有单因3毫子唔找畀人仲讲粗口闹客被罚了2,000蚊”、“呢单双黄落车，整多张$450”。

有网民就表示，“最好由上车到落车全程录影，大家唔好口同鼻拗，究竟系个客西定系个司机西”、“人系互相尊重嘅，如果唔小心跌咗，咪讲句唔好意思啰，如果系特登掉钱嘅，X你都合理呀”。

香港法例：双黄线停车罚450元扣3分

根据运输署及香港法例第374章《道路交通条例》，双黄线全天候禁止停车及停留，若违反规例可罚款450港元及扣3分。