这也太尴尬了！有的士乘客于网上分享1件“瘀爆”事件，当时司机提议行车路线途经狮子山隧道，他同意后司机按表计算附加费，他看了眼价钱，发现竟高达“80元”。楼主经一轮内心挣扎，忍不住问司机“唔系8蚊鸡嘅咋咩？”，司机平静回答“系呀，8蚊呀”，楼主不明所以，直至身旁伴侣说了句，楼主才恍然大悟发现误会了司机，遂慌忙道歉。

该的士乘客于Threads发文分享事件，忆述当时司机问道“你行咩隧道，狮子山好唔好？”，他答应后开始玩手机，紧接听到司机按表计算附加费，他看了眼价钱，发现竟高达“80元”，他安慰自己之余还与身旁伴侣说“隧道来回钱，差唔多啦”。

搭的士经狮子山隧道被收“80元”？

惟楼主质疑价钱，脑中冒出多个问号，“咩隧道要咁多钱？”、“而家唔系繁忙时间，咁贵嘅咩？”、“又系嘅，新界出九龙，唔系㖞，又唔系九龙出港岛”。

楼主问司机惊揭误会大了

楼主忍不住提出疑问，并准备好要与司机“嘈交”，“司机司机，点解要80蚊，狮子山隧道唔系8蚊鸡嘅咋咩？”，司机平静回答“系呀，8蚊呀”，楼主指出“系啰，8蚊，而家80蚊㖞”。

此时，伴侣冷静说了句“跳表系写8蚊，𠮶到唔系$80蚊”，楼主定神一看，发现自己弄错赶忙道歉，“对唔住对唔住，唔好意思，我误会咗，真系唔好意思呀”。司机非常有礼貌与接纳地回应，“唔紧要唔紧要，误会啫”。

楼主：好样衰呀，唔好意思呀

楼主表示，其内心不断大叫“呀，救命呀，救命呀，好样衰呀，唔好意思呀”，直言十分尴尬，“真系成日发生好多呢啲‘样衰’事件”，并感激“市面上仲有好多好好嘅的士司机呀！”。

网民：楼主要配过副眼镜

有网民留言笑说，“你𠮶下关心个80蚊都唔谂下车费已经去到983（元）”，楼主回复道“左边嘅跳表，系细个由老母讲佢嘅心脏训练，而令我都有同等上到某个数，每跳一下，个心都跳一跳嘅心情，右边系我脑袋永远计唔到几多钱嘅隧道费”。

另有网民表示，“其实系$98380，为咗程的士你拣错隧道，你另一半而家揹紧街数”、“983蚊应该兜到香港两圈”、“8.0同80差好远㖞，你系眼残定系数学底差”、“小数点，系咪夜晚太暗散光”、“楼主要配过副眼镜”、“平心而论，大多数的士司机都系好”、“司机有修养”。

（Threads@dogdogdogwest）