求事主心理阴影面积！有顾客于网上发文表示，他日前于天仁茗茶大埔超级城分店购买了1杯饮料，差不多喝光后撕下饮料杯面盖打算保存喜爱创作者的联乘作品，讵料赫然发现杯内有1串标签贴纸。

网民纷纷大呼，“呢个真系夸张咗”、“饮晒先见到，好惨”、“无记错热敏纸系有毒”，笑言“配料：加单”、“加咗料冇收多你$3算系咁”，又批评店员“冲𠮶个人发紧梦呀”、“咁大叠都睇唔到”、“佢就系跌完落去𠮶下心谂：大家饮完通常都直接掉㗎啦，佢应该唔会打开嘅”。

楼主数日后于帖文留言称，天仁茗茶已联络他，承诺赔偿38元现金及重新制作1杯同款饮料。《香港01》已就事件向天仁茗茶查询，正等候回复。

该顾客12月6日于Threads发文表示，“饮到最尾返屋企打开见到咁，大埔超级城店，麻烦跟进下”。照片见到，他撕下了饮料杯面盖，并已几乎喝光该杯饮料，而杯内有一串天仁茗茶长长的标签贴纸。

天仁茗茶饮料杯藏大串标签贴纸

网民批评，“哇简直离X晒大谱㖞，咁多张好癫，有咩可以冲饮品𠮶时会唔知？如果知都由佢仲黐线𠻹，无理由对眼盲？唔系真系谂住啲客唔会打开呀嘛omg！真系要帮tag，有毒真系饮死人，出嚟回应下唔该！”。

网民斥店员：冲𠮶个人发紧梦呀？

有网民猜测该饮料杯原本是店员用来扔垃圾，“一定系部贴纸机成日呕白纸，放只杯喺贴纸机隔篱当垃圾桶，要嚟掟贴纸/小垃圾，然后有个聪明同事直接攞咗呢只杯嚟用”，楼主回复道“讲得啱呀，我买𠮶阵佢整紧部label机”。

有网民问“饮𠮶度无嘢撠住？”，楼主回复“我以为咁啱啜唔到啲珍珠咋”。楼主另外亦提到，因为喜爱的创作者与天仁茗茶联乘，故第一次购买，打算喝光后撕下面盖保存作品，“点知不可一不可再”。

有网民揶揄，“佢系呼吁你记得听日要去投票”、“知唔知有好多杯因为张label 喺你度无整到？”、“加label唔使你畀钱，益咗你啦”、“拎番去一个贴纸送一杯”、“其实系佢哋新出嘅集印活动，好似寿司郎咁样储够12张就可以换限量版天仁茗茶公仔，怀疑职员偷偷free飞几张畀你”。

楼主：天仁茗茶致歉赔偿现金

楼主12月8日再度留言透露，天仁茗茶已联络他，赔偿38元现金及重新制作1杯同款饮料，“最重要系佢有道歉，等咗日几系有少少唔满意，不过有道歉就算啦，收货啦，希望下次免费加料加仙草畀我啦”。