乘搭公共交通工具时应注意谈话及播片声量，勿影响他人。有男生于网上发文公审1名九巴车长，指车上有大妈乘客用手机看影片“唔系较到好大声”，但车长就停车与大妈争执，他批评车长是“巴X司机”，并不满指“大佬我赶时间”。

不少网民留言反指摘楼主，“你都黐线嘅，个阿姐喺度嘈你就闹个司机”、“咁你唔出声叫个阿姐细声啲？赶时间搭的士嘛，揸车最忌有人骚扰”、“你觉得细声唔代表司机不受滋扰，社会实在太多楼主呢类是非不分之人”、“香港几时退步到细声就冇问题？呢个世界有个发明叫‘耳机’”。

该男生于Threads发文发片批评1名九巴车长，“巴X司机，个乘客睇片开声唔系较到好大声，个司机系咁XX佢，又停喺度话个阿姐，再嘈就唔开车，大佬我赶时间”。

不满大声看影片　九巴车长与大妈争执

影片见到巴士停在路边，车长走出司机位与1名大妈乘客争执，大妈问车长“我有冇闹你先？”，车长回应“咁你啱啱讲𠮶啲嘢仲有冇呀？闹完未”，大妈反驳“我冇闹”、“系你闹人啫，我冇闹你”、“你觉得我闹人啫”。车长叫大妈“继续呀”，有另1名女乘客无奈道“我想落车，唔好嘈啦”，车长就开门让其下车。

网民斥楼主：你闹司机，你冇嘢啊嘛

不少网民留言指摘楼主，“你唔闹个开声嘅人，你闹司机，你冇嘢啊嘛，你唔好删post啊”、“唔怪得而家个个都开大喇叭上车，原来仲有人可以当冇事发生”、“根本就唔可以开出声，乜嘢叫做唔系咁大声？你戆X㗎？”

有网民撑车长说，“你坐车尾，距离咁远觉得细声，唔等于声线冇影响司机，支持巴士司机严肃处理车内秩序”、“好多人以为车长揾事嘈一餐，其实知唔知播片同倾计声系产生好大回音，好易传到车头位置，连报站广播把声都盖不过呢种声音滋扰，系容易令人心烦同恼怒。较静机，用耳筒睇片，倾电话快快讲完，香港搭车文化始终无日本咁好”。

楼主：阿姐已较咗静音，司机揾嘢嚟嘈

楼主其后回应网民批评说，“因为我冇影前面，一开头个司机X完佢之后，已经较咗静音，之后个司机揾嘢嚟嘈或停埋一边同你慢慢玩，跟住个阿姐先开始喺度同佢嘈”。

（Threads@chungjaio.o）