叫外卖最终食到一肚气？有女生光顾某韩国餐厅并点叫一碗78元的辣海鲜豆腐锅配白饭，而外卖送达时和店方提供图片落差极大，不但碗内的豆腐“碎开”，而所谓海鲜锅里头竟然只有1只虾，她不满贴出片段公审“见唔到有其他海鲜”，引来网民哗然。

有人批评餐厅离谱，“好似人哋食剩咁”、“生意难做都唔使咁，衰过抢钱”，又感叹香港饮食业每况愈下，“我试过最夸张嘅韩式豆腐汤，系用辛辣面嘅粉做汤底，纯豆腐几嚿瓜，收我78蚊” 、“唔怪得人人北上”。

外卖叫$78辣海鲜豆腐锅　餐厅简介：下饭一流

该女食客在threads上传照片，指经由外卖平台点叫某韩国餐厅、一碗售价78元的辣海鲜豆腐锅配白饭套餐，但就不满餐点送达时，和店方在网上提供照片存在极大反差。从店方简介可见，餐厅声称是现点现煮的辣海鲜豆腐锅，并使用秘制韩式辣酱汤底，加上嫩滑豆腐，形容为“下饭一流”；而辣海鲜豆腐锅示意图虽然未见大量海鲜，但可见多件豆腐、1只煎蛋、以及有葱花点缀。

卖相和示意图存极大落差　海鲜锅“只得1只虾”

不过从楼主拍摄的片段可见，无论她如何“捞汤”，只能看见碗内充斥大量“碎开”的豆腐、数片疑似翠玉瓜、小量蛋花、以及仅仅1只虾，她对于如此外卖竟然收取78元觉得极不合理，无奈表示“见唔到有其他海鲜”，大感失望遂公审“好嬲呀”，同时质疑香港餐饮业“愈做愈差”。

网民形容似厨余：衰过抢钱

绝大部份网民批评餐厅这样出餐极离谱，“真系好货不对办”、“好似人哋食剩咁”、“生意难做都唔使咁，衰过抢钱”、“啲豆腐全部烂晒，自己煮都唔会咁样”，又揶揄“蟹柳扮晒蟹都无条”、“个理念系有一只虾都系叫海鲜，可能迟啲进步到有落鱼露就系海鲜！”、“咁大嚿鱼都见唔到？我见到嚿水鱼喺到，不停摷兜汤”。

香港饮食业愈做愈差？　网民：唔怪得人人北上

有留言同感香港饮食业每况愈下，“而家好多地方嘅餐饮都系非常差，有种欺骗消费者嘅感觉”、“我叫99元花胶滑鸡汤饭，得两嚿碎鸡块”、“我试过最夸张嘅韩式豆腐汤，系用辛辣面嘅粉做汤底，纯豆腐几嚿瓜，收我78蚊”、“店家真愚蠢，咁样就无咗口碑”、“唔怪得人人北上”。惟有人觉得是选择食外卖“出事”，“我觉得外卖好多时啲嘢都缩咗水咁”、“讲真又平台费又外卖仔人工，78蚊店家最多只系收到一半多啲，咁你想佢俾咩你？我一向都唔帮衬外卖app，香港咁方便咪落街食啰，我唔信堂食佢够胆咁样serve你”。

（threads＠kkkooonnn23）