扭伤脚搭的士还要被司机辱骂？有女生于网上发文公审1名的士司机，表示在东涌乘搭市区的士（红的）时，司机嫌她与朋友车程短，边驾车边骂人，同行朋友已解释因为扭到脚才乘的士，但司机仍指摘她们年轻应走路不应乘的士。

帖文引来热议，有网民指出“东涌红的出名拒载”、“你闹得好搞笑，平时应该好少闹交，下次咁嘅情况直接问佢是不是想拒载？是的话请揸去警署，唔使同佢劳气”，有网民就批评“一直都唔明啲DCX个脑谂咩，话就话做1支长旗一定抵过10支短旗，但5分钟赚29蚊究竟有咩好怨”，有人认为司机是欺善怕恶，“恰你细路女，试吓系彪型大汉搭车敢唔敢发恶”。

该女生于Threads发文表示，“个司机因为车程过短无啦啦开始闹人，我个friend解释埋系因为扭亲脚所以先搭的士，佢都继续话我哋咁细个应该行路唔应该搭的士，然后扮打电话开始十分明显地指桑骂槐”。

扭伤脚搭的士被司机嫌短途

女生拍下司机证及双方争吵过程，并说“本人唔太识闹人，特别系当下其实都少惊，求放过”，又透露“喺东涌发生嘅，不过系红的，所以唔清楚佢会唔会喺其他区出现，本人已经就呢件事写咗投诉report”。

的士司机：返转头又要排过

在长约1分钟的影片听到，司机抱怨乘客车程短途，“𠮶廿零30蚊，返转头又要排过”，乘客不满道“咁你唔好车啰”，司机激动大声回应“唔车都车咗啦！”，乘客提议“咁你依家停低，跟住我哋落车”。

司机表示只是自言自语，“我自己讲唔得呀？”，乘客指“梗系唔得啦，喂，我哋搭车，依家畀钱你㖞”，司机反驳“你畀钱点样呀？你有你畀钱，我有我讲嘢”，乘客斥“哇，你喺度闹紧我哋㖞，司机，唔系大声就得㗎㖞”。

的士司机爆粗辱骂女乘客

司机爆粗称“我唔系闹你，我X个空气”，乘客指“你系咪玩嘢呀”，司机不耐烦道“唉，你钟意点就点啦，系咁㗎啦”，乘客续指“咁你掟低我哋啰，咁你唔想车你可以唔车啦，大声就有理呀你？我哋细个你就可以闹我哋呀？”，司机气愤再爆粗“系，X你个老XXX呀，依家XX紧呀”，乘客回骂“喂，你唔好再闹啦㖞，X街”，双方争吵至影片完结。

网民批评的士司机：近又嫌近，远又嫌远

有网民表示，“叻，影低咗行车证，可以举报佢讲粗口闹你哋，你好勇敢呀闹返佢，畀100个叻你”，也有网民说“后生唔识嘢就唔好乱讲嘢啦！的士拒载犯法㗎，佢为咗揾食，几唔想车都只能硬食”。

有网民批评不少的士司机，“近又嫌近，远又嫌远，又嫌唔系过海，好啦，过海又嫌人过海，坐uber又话人哋抢生意，要明白点解啲客唔钟意坐的士，因为好多的士佬都麻X烦，晦X气，唔系要佢好有礼貌，唔系要去90度鞠躬，有番做人基本礼貌就得㗎啦！”。

有网民分享曾经跌断脚打石膏，在北大屿山医院覆诊后，欲搭的士去港铁东涌站，被好几位司机拒载，后来遇到1位顺路去东涌站交更的“天使司机”愿意接载，还不收车费，他认为“的士司机其实不是个个都咁衰，而系个人修养问题，如果司机唔够修养又唔够忍耐，真系唔好做呢行，否则害人害己”，有网民则说“其实东涌一堆正常的士司机，见到就攞定contact，咪益呢啲的士X”。

香港法例：司机无礼貌可罚$5,000及判监6个月

根据香港法例第374D章《道路交通(公共服务车辆)规例》第45条（1），公共巴士、公共小巴或的士司机在作为该等司机时须有礼貌及守规矩，任何人无合理辩解而违反条文或规定，即属犯罪，一经定罪，可处第2级罚款（5,000港元）及监禁6个月。

（Threads@aliteralburneraccount0000）