接二连三出事，着实“赶客”！屯门时代广场“Goobne Chicken”韩式炸鸡店近日发生木制餐具发霉，以及有街坊目击店内1个插座被插上多个万能插苏和插头事件，引来屯门街坊对该店食物安全、环境卫生及防火意识的忧虑。

facebook专页“Goobne HK”于1月26日发表道歉声明，表示已将全部使用中木制餐具废弃及更换为全新餐具，涉事分店已进行全面清洁及消毒，同时重新确认过度使用电源插座可能带来的顾客及员工安全风险，并已即时改善。

facebook专页“屯门友”代街坊发文，有街坊1月23日晚于屯门时代广场“Goobne Chicken”韩式炸鸡店与朋友吃晚饭，点了1份UFO芝士火锅，上菜后店员声称“好忙”，“摆低两只羹叫我哋自己炒啲芝士”。朋友拿起木匙时，赫然发现“只匙羹发晒毛（可以睇相，啲霉菌系好耐好耐先会咁）”。

屯门Goobne Chicken木匙发霉

该街坊与朋友立即向店员反映，街坊表示该店员是韩国人，店员提出更换芝士，“一开始我哋话好，但我哋始终觉得应该要成个盘换埋先安全”，因“啲霉菌已经掂到啲芝士”，店员拿着芝士回来后，街坊提出更换火锅盘，但店员表示“冇多余嘅盘”，故街坊决定取消退单，“始终小朋友多，唔想有咩食完之后唔舒服”。

街坊食客斥店员：发脾气掉火锅盘

惟店员接下来的举动令街坊十分不满，“最激气系，佢竟然发脾气掉一掉个盘，好大力咁揼落个Gas炉度”。街坊指出，“首先发现食物有问题要求换，都好正常呀。同埋，当佢讲无其余嘅盘，我哋就决定取消，都唔系我哋有问题呀。但佢发脾气就真系态度好有问题”。

街坊提醒网民，“大家食嘢前真系睇清楚啲餐具干唔干净呀”，亦提到“我哋走咗之后已经打咗1823，依家等待食环署跟进”。

网民呼离谱：几耐先储到咁多霉

帖文引来网民批评店家，“哗，几耐先储到咁多霉”、“只匙咁都上台？”、“呢个真系好癫”、“首先唔讲店员态度先，1间食店净系餐具都一定要干净先可以攞畀客人用，咁嘅要求唔过份啰”。

有网民揶揄，“Blue cheese spoon（蓝芝士汤匙）”，又指出“好彩佢叫你自己捞，如果佢1只匙羹叉落煲嘢度，你就睇唔到发霉喇”、“最惨系啲一齐放嘅餐具掂到呢个匙羹，但又唔知，食下肚嘅其他客人”。

街坊再发现店内插座狂插万能苏

facebook专页“屯门友”1月24日亦代另1名街坊发文，“继匙羹发霉事件后，屯门时代间炸鸡又一杰作，有街坊上个星期去食嘢嘅时候，见到佢哋啲插头位系咁样，忍唔住影低”。照片见到，店内1个插座被插上多个万能插苏和插头，出现“驳上驳”的情况。

网民纷纷批评并揶揄，“成架航空母舰，劲危险添”、“估唔到喺地面可以影到国际太空站”、“攞你命3000？”、“小学常识科标准反面教材”、“揾定火警逃生出囗先叫嘢食”、“为什么不用拖板？”。

Goobne Chicken发声明致歉

facebook专页“Goobne HK”于1月26日发表道歉声明，提到“1月24日已将全部使用中木制餐具废弃及更换为全新餐具”、“该分店将进行全面清洁及消毒，确保环境符合卫生标准”、“重新确认过度使用电源插座可能带来的顾客及员工安全风险，并已即时改善”。

“Goobne Chicken”承诺将进一步加强内部管理与培训，并重新确认与问题相关的产品品质，竭力防止类似事件再次发生。