日本是港人热门旅游地区，不少人更会特意预约餐厅，务求享受当地美食！有香港女生在网上公审，指预约东京一间吃厨师发办（Omakase）餐厅，但不满店内环境卫生欠佳，竟有蟑螂出现在食物碗碟旁，而师傅所做的寿司“散修修”，形容香港碟头饭甚至更胜一筹。楼主指，她妹妹用餐后出现肚痛和肚疴症状，决定公开事件兼狠斥“唔该快啲执笠”。

大批“曾中伏”网民纷纷留言，批评餐厅质素其差，“3年前食过一次，唔系同一个师傅做到尾，中间有转人整，佢哋无沟通都唔知serve到边件，最尾有意无意漏件鲍鱼无上，要出声话先补返”、“去到见到个师傅将啲食材左掉右掉，仲要一路切一路食，然后半夜肚疴”，并指当地有很多假冒日本人开的餐厅，劝喻他人预约前要留意清楚，“边有日本餐厅会收tips”。

东京预约Omakase餐厅　港女生怒轰2宗罪

“食Omakase食到喊，我真系好嬲”，女事主在threads发帖，指和妹妹到东京旅游原本打算“食好嘢”，故提早预约当地一间餐厅吃Omakase，事后批评餐厅和师傅罪状，包括环境卫生欠佳，先是发现摆放餐碟后方有蟑螂，甚至出现在她面前；另外寿司质素未如理想，斥责师傅做的寿司“散修修”，形容“我返香港食碟头饭（都）好食过佢N倍”。

妹妹用餐后肚痛兼肚疴　事主斥：快啲执笠

相中显示，楼主在Omakase餐厅用餐，穿著白色厨师服的师傅正在切刺身，但台面摆放1个写有“TIPS are appreciated（感激给予小费）”的透明胶箱，意指欢迎客人额外给予服务人员奖励。楼主续指，她妹妹用餐后出现肚痛和肚疴症状，气愤不已决定公开事件，质疑“阿师傅，如果你真系唔想做寿司，你唔好喺到返工”、“唔该快啲执笠”。

店内摆有“小费箱”？　疑假冒日本人开餐厅呃游客

许多网民觉得该间餐厅明显“呃游客”，“边有日本餐厅会收tips”、“呢个箱…住日本咁多年真系第一次见”、“见到张台发晒霉都唔开胃”、“唔睇晒你篇文我以为你喺旺角食”、“靓啲嘅回转寿司都好过佢”、“好彩睇到你个post，原本预约咗即刻取消booking”，认为当地近年多了很多假冒日本人开的餐厅，提醒游客预约前要检查清楚，“真系要小心中伏，唔再系以前咁求其入一间餐厅都好食”。

网民“中伏”经验逐个睇！

有不少留言分享在同一餐厅“中伏”经验，“我都食过呢间！唔系污糟，但就真系好X难食”、“3年前食过一次，唔系同一个师傅做到尾，中间有转人整，佢哋无沟通都唔知serve到边件，最尾有意无意漏件鲍鱼无上，要出声话先补返”、“我都中过伏！好难食！服务又差。𠮶日我叫咗杯梅酒，饮晒之后佢问仲要唔要，我话唔要就即刻黑面。我记得佢系做咗啲唔太卫生嘅嘢，所以当时想打负评，最惊讶系佢喺我哋面前照食寿司，完晒成餐无讲任何一句就走咗，啲态度唔知点解有种觉得俾佢X嘅感觉”、“去到见到个师傅将啲食材左掉右掉，仲要一路切一路食，然后半夜肚疴”、“2年前俾啲KOL广告吸引入去，啲寿司每件都好难食”。

事主Google给予4分高分　网民嘲：有伏齐齐中

有网民在Google发现楼主对餐厅的评分，即使对餐厅存有各种不满批评，但仍离奇给予4星的高分（总分5分），遂调侃“咁嬲都仲有4星，你再嬲会系点”、“有曱甴都俾4星？”、“不能只有自己中伏，有伏齐齐中”，但有留言估计“俾得高分啲容易啲将个食评俾多啲人睇到”。事主目前已将评分改为1星。

（threads＠goldy_wong）