众筹结婚？有女生近日途经旺角花园街时，见到有男子穿着马褂、头戴马面头套在街头弹琴卖艺，盼筹集到购买结婚戒指的资金，女生拍下照片及影片于网上分享，赞赏男子并祝愿“祝你求婚成功”。

帖文引起热议，有网民批评，“无钱学咩人结婚”、“结婚买只戒指都要筹旗，畀条女跟咗佢都冇幸福喇”、“会唔会第日筹款生仔、筹款食饭，有时间有能力返下工仲实际”。有网民则说多年前已见过同1人，“我好似疫情前已经见过佢周围弹琴话买戒指求婚，唔通而家要结第二次了？！”，另有网民1月时曾发文分享在铜锣湾街头见过该男子。

有女生于2月8日在Threads发文分享照片影片，表示“抵支持啦，祝你求婚成功”。影片见到，有男子站在旺角花园街、洗衣街花园对面行人路边，他穿着马褂、头戴马面头套，身前架设了电子琴，并贴有中英文告示称想筹钱买婚戒。

男子戴马头套　弹琴筹钱买婚戒

女生拍下男子弹奏叶丽仪经典金曲《上海滩》片段，经过的路人虽有察看了一两眼，但影片未见有人给钱男子。

男子旺角铜锣湾出没

另有女生于1月10日曾在Threads发文分享，同1名男子在铜锣湾街头弹琴卖艺，筹钱买婚戒，男子当时在弹奏香港摇滚乐队Beyond名曲《海阔天空》。

网民吁男子：认真返工买戒指可能会快啲

有网民留言表示，“好彩隔篱冇牛头，如果唔系新年前真系大吉利是！”、“钱就我哋夹，老婆就你娶”、“佢女朋友见到佢咁样筹钱买结婚戒指，都唔知觉得感动定系快啲逃走好”，更有网民质疑“假弹㖞，会唔会送假戒指”。

有网民指出男子应认真找份工作更实际，“比起喺出面卖艺筹钱，我觉得佢认真返工买戒指可能会快啲，至少返工有稳定收入，咁样啲人多数都系睇完就咁路过”、“牛高马大有手有脚唔去打工，喺条街度乞食。好心佢冇嘢做，就学下啲公公婆婆执纸皮卖，人哋日日执都赚百零蚊啦。如果佢咁有心真系想结婚，我谂佢会奋不顾身赚钱”。

旺角拍片女生表支持：佢都系用紧自己能力赚钱

在旺角目击事件的女生其后于留言区回复网民表示，不认同网民指男子是在行乞及假弹，“1先唔论佢真假，我概念嘅‘乞’，系乜都冇能力做/乜都唔做就叫你畀钱，佢顶尽叫卖艺。2弹下琴又话假弹，一定要演奏级萧邦再世先叫真弹？”。

女生续说，“准备定戒指冇话赶住结，就算系gimmick（噱头），佢都系用紧自己能力赚钱，你可以唔表示支持，不过冇必要咁负能量”。

（Threads@sheisregean / Threads@myheart_willgo_on327）