农历新年将至，有打工仔分享对职场派利市的看法，并列举2大原因，认为已婚同事派20元利市是“孤寒”，觉得他收20元但要给对方满满情绪价值和说祝贺语，“我觉得我个演技值钱过𠮶$20啰”，因此建议若不想被人在背后嘲笑，“派$20蚊利市𠮶啲，真心不如唔好派”。

网民纷纷围轰楼主，“咁有骨气咪连廿蚊都唔好收啰”、“你收到意外之财唔多谢不特只，仲要咁样唱人哋”、“你估欠你咩”，认为派利市的金额其实“积少成多”，“你收我一封，我系派N咁多封呀，到你有机会派𠮶阵你就知啦”。有人指利市是祝福，奉劝勿计较金额，“嫌少咪捐咗去做善事啰”。

已婚同事派$20利市　打工仔斥：不如唔好派

“你觉得$20蚊利市系‘好意’定‘侮辱’？”该打工仔投稿到threads平台“on9office_1999”，并列举2个原因，建议“派$20蚊利市𠮶啲已婚同事，真心不如唔好派”。

打工仔列出2原因　称派$20利市是“孤寒”

楼主指，现今香港吃个午饭平均需要60至70元起，若然收到20元利市，当然会感谢对方，但认为“转个头去买杯废水都无咗啦”。另外“最难顶系平时大家明明唔熟”，同事特意上前派利市，他需要“畀返好大嘅情绪价值”兴奋地说祝贺语，“我觉得我个演技值钱过𠮶$20啰”，故建议办公室应统一利市公价为50元起。他续称，若然觉得“肉赤”可以请同事们饮茶，总好过派利市后被别人在背后嘲笑“孤寒”。

楼主遭斥无家教　网民指利市是祝福　吁勿计较金额

不少网民批评投稿人无家教，“留意返：系派利市！唔系派钱”、“你又明唔明，平时大家明明都唔熟，我都要特登行埋嚟派$20畀你，仲要系打孖上，我都好唔想呀”、“咁有骨气咪连廿蚊都唔好收啰”、“想俾人提早开年都唔需要咁嘅”、“每个人嘅经济能力都唔一样，人哋都系尊重中国传统，因应自己嘅经济能力封利市俾你。你收到意外之财唔多谢不特只，仲要咁样唱人哋”、“你估欠你咩”、“有无谂过你连廿蚊都唔值，派俾你纯属礼貌”，揶揄“返工仲恨封利市来开饭，cheap到爆，建议楼主做保安，可以收多几封”，指利市是祝福，不应计较金额，“利事系传统系心意，几多钱都应该用心去接受”、“嫌少咪捐咗去做善事啰”。

职场派利市风气要革除？

另有留言指出派利市的金额其实“积少成多”，“你收我一封，我系派N咁多封呀，到你有机会派𠮶阵你就知啦”、“1个20（元），10个200（元），100个就系2,000（元）㗎啦”、“你收3封利市就食到个lunch，人哋就无咗好多个lunch”，故有人认为职场派利市风气应要革除，“公司同事一律唔派，皆大欢喜”、“派𠮶个又悭一笔，你又可以悭返啲情绪价值”。

（threads＠on9office_1999）