酒店摆酒同事只封800元人情 新娘斥“当我做善事开饭堂？”惹议
撰文： 谢茜嘉
出版：更新：
婚宴人情争拗时有发生！有于酒店摆酒的新娘于网上发文批评，有同事出席其婚宴只封800元人情，不满要“倒贴”请吃饭，直斥“当我做善事开饭堂呀？”、“如果你无钱或者唔想畀，不如唔好嚟啦”，她问道：“其实而家摆酒，可唔可以set个最低消费畀啲宾客？”
网民留言反斥新娘，“同你唔熟，你又畀帖请人哋去饮”、“冇钱唔好学人结婚摆酒啦”、“你结婚请饮要帮你回本？”，有人更揶揄“下次再请过啲有钱嘅同事，唔好恼”。
有于酒店摆酒的新娘于网上发文批评，有同事出席其婚宴只封800元人情，不满要“倒贴”请吃饭。（《饭戏攻心2》剧照）
该新娘于Threads投稿表示，她日前于酒店摆酒，打开人情簿，发现居然有同事只封800元人情。她不满炮轰，“大佬呀，2026 年啦，我摆酒店㗎，一个head count（人头费）都$1500啦。你畀$800嚟食饭，即系我要倒贴$700请你食？我同你好熟咩？当我做善事开饭堂呀？”。
同事只封$800人情 新娘不满要倒贴
新娘续指，“讲真，如果你无钱或者唔想畀，不如唔好嚟啦，我宁愿个位吉咗佢摆袋”。新娘又说，“建议将来囍帖印埋PayMe Code，畀够数先好出席”。
新娘不满炮轰：“你畀$800嚟食饭，即系我要倒贴$700请你食？我同你好熟咩？当我做善事开饭堂呀？”（《1人婚礼》剧照）
网民反斥：摆酒唔系畀你回本甚至赚钱
网民留言批评，“吓？咁不如唔去好过啦，要看你结𦈏，我不如攞$1500-2000看BLACKPINK，畀面你才去饮”、“而家好多人都唔明1个道理：你请人饮，人哋肯出席嚟恭喜你，呢啲叫畀咗面你，人情只系1份心意，唔系畀你回本甚至赚钱，冇钱唔好学人摆酒”、“强烈建议结婚唔好摆酒做大龙鳯，你哋嘅爱情故事其实唔系好关其他人事，同埋请饮请饮，系1对新人请人饮，唔系畀你做生意”。
（Threads@ianextse）