农历新年过后，普遍公司都会在初四启市。有打工仔在社交平台大吐苦水，先是不满公司在年初四启市，而开工利市只有50元，质疑“一个lunch都食唔到㖞”。不少网民斥责楼主身在福中不知福，“我觉得50蚊系正常价，唔明点解咁都要呻”、“认真宜家咩时势，生意唔好仲要每人俾$50，老板算系咁”、“有啲公司直头唔派添”，认为公司已给予雇员法定假期，“自己想放咪（放）AL（Annual leave，年假）啰”。

不满开工利市仅50元　打工仔呻被侮辱

有打工仔在threads帐号“2tgt.stone”发帖，大呻“真系顶唔顺”，先是不满公司在年初四（20日）启市，另外开工利市封面虽写上“发达”，但里头仅得50元，质疑“大佬，一个lunch都食唔到㖞”，对此觉得被侮辱，故狠斥“垃圾公司”、“笑大人个口”，并好奇他人开工利市一般多少钱。

网民斥不知足：你觉得被侮辱可以唔要

许多网民批评楼主不知足，“利市意头嚟，派俾你啲钱唔系做慈善”、“边个规定利市要够settle你个lunch”、“开年利市系可以无㗎！唔满意可以辞职”、“我觉得50蚊系正常价，唔明点解咁都要呻”、“50蚊都嫌少？我大公司得20蚊”、“有啲公司直头唔派添，我觉得你有$50算系咁，你觉得被侮辱可以唔要”、“认真宜家咩时势，生意唔好仲要每人俾$50，老板算系咁”、“有假放、收$50开工利市就叫侮辱，唔通俾$1,000咩？凭咩”。

已获放法定假期　网民：公司无欠你

有人认同公司做法实属正常，“公司请你返嚟做嘢有出粮俾你㗎嘛，同开工利市金额大小有咩关系？”、“初四启巿真系正常不过，法定假期佢已经俾足无欠你，自己想放咪（放）AL（Annual leave，年假）啰”，亦有人劝喻楼主将心比己，“当你自己成为老板时，系咪可以初七返工，派$100利市？”

没有最惨，只有更惨！　打工仔辛酸事逐个睇

有留言分享“没有最惨，只有更惨”经历，“我以前间公司得10蚊，仲要系市道最好𠮶几年”、“初四启市唔紧要，开工利市得20蚊都唔紧要，𠮶20蚊仲要喺我mpf扣返，我X你老X”、“我收coupon，只适用公司旗下（商户）嘅”、“我公司唔单止无开工利市，仲要禁止员工之间派利市”。

（threads＠2tgt.stone）