女生深夜凌晨独自在街上要小心！有女生于网上发文发片公审1名“醉酒佬”，她于凌晨约5时独自在尖沙咀诺士佛台大斜路行走时，1名醉酒男子欲伸手触碰其肩膀，她立即喝停对方，男子其后一直尾随她到大厦楼上，她即回到地下管理处报警，保安要求男子出示身份证，男子拒绝之余，更突然“发难”出手击袭女子，又弄损保安的手，击毁管理处查看闭路电视画面的电脑后逃去。

网民大赞女生，“师姐真系女中豪杰！”、“你当时一定又惊又嬲，但你好勇敢，嚟紧呢几个月买定防狼器，每日同熟人报平安”、“楼主好勇敢，一定要推到条友被人拉”。有网民提醒，“俾人尾随千祈唔好直接番屋企，会俾人知你住边，依个要去人多嘅地方游花园撇甩佢先好返屋企，或者一边游花园一边报警，等警察拉佢”。

警方回复《香港01》查询时表示，3月1日凌晨5时32分接获1名59岁女保安报案，1名年约50岁男子尾随1名21岁女子进入尖沙咀诺士佛台4-5号东港商业大厦，男子动手打女子及破坏管理处电脑后逃去，案件交由油尖警区刑事调查队第四队跟进，暂未有人被捕。

该女生3月1日于Threads发文表示，“想揾人认领返自己个老公/同事/朋友”，指出“我1个女仔5:00am左右行诺士佛台大斜路上，佢已经想伸手掂我膊头俾我喝停，之后一直尾随我上大厦”。

女生凌晨独行遭醉酒佬尾随上楼

女生续说，“我落管理处报警，管理处叫佢拎身份证佢拎唔出嚟，之后发烂出手刮（掴）我，整损埋保安只手，打烂咗管理处CCTV电脑再逃去”。

女子大厦内拍片　情绪激动与男子对峙

第一段影片见到，女生与1名戴黑框眼镜、穿黑色皮衣、深蓝色牛仔裤的男子在大厦内对峙，女生不满指“你系咁跟X住我做乜X嘢呀？”，男子含糊地说了句话，女生随即情绪激动大喊“喂，你想点X样啫！你落返去，警告你，你落返去啦，快啲啦！落唔X落呀！”，男子说“你冷静啲先”。

女生继续激动大喊“咁你落返去啦！你系咁跟X住我做乜X嘢呀？”，男子否认道“我唔X系跟住你”、“呢个1楼得你霸X晒呀？”，女生扬言报警，男子回应“你报警啰咁”，女生随即进升降机到地下。

男子声称自己是同1栋大厦租客　后动手打人

第二段影片见到，女生与男子在管理处争论，男子问“点解唔得呀？”，女保安回答“因为你唔系呢度啲（租）客”，男子指着女生问“佢系呢度啲（租）客呀？”，女生说“我系呀，我有锁匙呀”，指出已报警，男子要求“call差佬嚟证明我同佢都系呢度啲（租）客先”，女生不满道“咁你快啲上去啦，你系咁跟X住我做咩啫，我落你又落，我上你又上”。

第三段影片埸面混乱，男子拍打女生，女生爆粗大喊“我X你老X，你郁乜X嘢手啫！”，她慌忙走避，并听到女保安开声制止。

被陌生人尾随跟踪有什么应对方法？

有网民批评，“点解啲老男人会觉得自己好有魅力吸引到后生女，仲会自以为是跟踪人哋咁变态？”，又说“打烂电脑有咩用，有录影，衰多条刑事毁坏，实走唔甩㗎呢条友，楼主放心”、“哗！真好恐怖，好彩系有个保安喺度，我知有啲大厦因为想缩皮，夜晚6：00后冇咗夜更保安。推！”。

有网民教路被陌生人尾随跟踪时的应对方法，“其实阿女你做咩上楼先，你即时找保安帮忙，同保安讲佢唔系呢度住，保安会阻止佢上楼”、“你真系大胆，佢入lift，你仲唔嗱嗱临出lift”、“楼主，有人跟踪真系唔好返屋企，去人多嘅地方+有cctv嘅地方，例如便利店，因为之后你返屋企，点都会觉得𠮶条友会报复，成日返屋企都会惊（经验之谈）”。

（Threads@happy_baby588）