“睇到个心融化晒！”近日网上流传影片，钻石山有男主人于街上替小狗梳毛，小狗让主人捉着双脚，乖乖“企定定”梳毛的画面，引来网民大呼“好有爱呀”、“超级无敌得意呀”、“好似个人仔咁！”、“劲似小朋友”。

帖文更引来不少网民分享于同1位置拍摄的照片及影片，指出该对主人与小狗经常于该处出没，小狗懂得站着与主人“give me five”击掌，小狗亦不时偷懒不愿走，躺在地上与主人僵持，画面十分趣致。

有女生于Threads发文表示，“边个嚟认领番自己屋企人同狗狗，咁sweet”。影片见到，她当时正乘搭巴士，钻石山一处行人天桥前的空地上，有男主人正在替小狗梳毛，小狗用两只后腿乖乖站着，前腿让主人扶着，画面散发着温馨与爱意。

钻石山男狗主街上替小狗梳毛超有爱

网民留言大赞，“铁汉柔情”、“主人好有爱对狗狗，只狗好乖呀”、“只狗咁干净企理，就知道个主人锡到㶶晒啦”。

网民分享：小狗经常“扭计”不愿走

不少网民指出于同1位置见过该对主人与小狗，“坐巴士成日见到佢”、“见个好多次，个男人好锡只狗”，有网民笑说“点解咁多人喺同1个位见过佢哋？NPC（主题乐园内扮演特定角色、与游客互动的演员）嚟？”。

有网民分享说，小狗经常“扭计”不愿走，“我𠮶次喺巴士度都见到呢1幕，佢主人要行到上天桥1楼咁滞佢先行”、“如果冇认错，好耐之前有晚见到主人带佢出嚟，只狗趴喺度唔肯行扭抱，主人拗佢唔掂抱起佢行，劲得意”。也有网民表示，“狗仔𠮶时劲百厌跟住其他细路仔，主人系咁招手叫佢行都唔理”，于是被主人责骂教训。

网民分享小狗“扭计”过程：眼神试探主人

而去年8月中曾有另1名女生于Threads发文分享该对主人与小狗的互动，“太可爱了，只狗仔唔肯走，个主人劲无奈”，后续“个主人行咗一阵就停喺度，跟住只狗仔见到唔对路，佢起身之后就跑去主人度，跟住佢就喺度嗲佢主人，真系超得意”。

女生又说，“本身佢未瞓喺地下之前，佢本身系企喺度→慢慢坐低→慢慢趴低→之后就直头瞓喺个地下度，个眼神好似试探紧主人咁”。

网民担心狗毛随处飞　内行人：贵妇狗唔太甩毛

有网民提醒，“咁样企法对狗狗关节同骨骼唔系几好㗎”、“我希望所有主人都会帮只狗上返条绳，因为真系好危险”。

有网民就担心梳毛时，狗毛于街上随处乱飞，有熟悉小狗特性的网民就指出，“Poodle（贵妇狗）其实唔会甩好多毛”、“你行路甩嘅头发多过Poodle”、“唔系特登屋企唔梳出街梳，系因为poodle天生卷毛，有啲贪靓狗主会带定梳出街，一见到卷就梳下”、“梳毛又唔阻人，可能小狗钟意或者只肯喺街梳呢”。

网民分享该只小狗的可爱样子▼▼▼

（Threads@stella_mak / Threads@_t.cmh___）