在茶记叫冻斋啡究竟要不要讲明走甜？有男网民在网上发文，指自己曾没有提出走甜，结果来了杯甜的冻斋啡，下次他再要求走甜，又被侍应反呛“冻斋啡不嬲都唔甜”，令他感到无所适从，因此问“冻斋啡系甜定唔甜？”。

帖文引起网民热烈讨论，“话明冻斋啡，当然是冇糖冇奶，不过后来唔知点解，竟然要讲明”、“所以我一定讲多句走甜，话之佢”。

冻斋啡叫走甜被寸　不叫走甜又有甜

有男网民在Facebook群组“香港茶餐厅及美食关注组”发文，提出一个令他充满疑惑的问题，“一个好低能嘅问题：冻斋啡系甜定唔甜？”。

他解释，试过在茶餐厅落单时叫1杯“冻斋啡走甜”，“侍应话返我转头：‘冻斋啡不嬲都唔甜’”，但到另一间茶餐厅落单叫1杯“冻斋啡”没说“走甜”，“结果佢杯冻斋啡系甜嘅”，感叹“有冇人遇过呢啲咁black magic嘅情况？讲咗要走甜就俾人话，唔讲要走甜就饮唔到走甜，我觉得好无奈啫”。

帖文引来不少网民留言讨论，“‘斋啡’（粤拼：zaai1 fe1）是香港及粤语地区对‘黑咖啡’的俗称，指不添加牛奶、奶精或砂糖的纯咖啡”、“话明冻斋啡，当然是冇糖冇奶，不过后来唔知点解，竟然要讲明”。

网民：冻斋啡应系无糖无奶，后来唔知点解要讲明

有人认为“正常冻斋啡系冇奶，可以有糖同冇糖，所以嗌埋走糖好啲”、“冻斋啡系唔甜㗎，但系我唔知点解有啲舖头冻斋啡要落糖，所以系咪都同佢讲走甜会好啲，佢答你不嬲都走糖嘅时候，你同佢讲有啲舖头唔走所以嗌多下啰有咩问题？”、“我嘅认知觉得冻斋啡系应该无奶无糖，即系Iced black。但我明白又真系有啲地方系有糖”、“我叫过杯斋啡只系走甜冇走奶，仲谜”。

有网民解释不同餐厅做法不同，“我屋企系做茶记嘅，几十年旧派个种。以前嘅茶记比较统一，而家就家家叫法唔同。因为茶记嘅冻咖啡，未加冰加奶之前，系预先校好甜味然后放至室温，所以你叫“冻斋啡”，系预设有甜，即系有甜嘅室温斋啡+冰上畀你。但热啡本身未加任何嘢，所以你叫‘冻斋啡走甜’，就系热斋啡加冰，未有甜嘅”。

网民称旧派做法通常已加了糖

亦有网民表示，“本身斋啡的确系飞砂走奶（无糖无奶），但而家有啲餐厅会做定冻茶、冻啡底，煲定茶啡然后落埋糖再放雪柜。但有啲水吧空间问题未必可以咁做，所以做冻奶茶冻咖啡都系做完热再加冰（呢个仲要睇做法，有啲系热茶加糖搅熔先落冰，有啲就自己煲定糖水加上去）。我𠮶时大记做水吧，人哋教冻斋啡只系唔落奶就得，用返煲定嘅冻啡底，除非个别说明。我都有问过你呢个问题唔系应该无糖咩，但教嘅话嚟得嘅客都已经知，同埋有个把关位就系收银会问定要唔要走埋糖”。