自己儿子犯错，还恶人先告状？有港妈于网上发文表示，与老公带同年幼女儿去书店玩耍时，遇到1名男童捏她女儿的手，又将有尖头的玩具掷向女儿，她站起来保护女儿，男童爸爸以为她想打人，于是手指指回怼，幸当时有数名不认识的男家长立即冲出来护着她，“叫个男人唔好虾女人”，男童妈妈不满报警，“话我想打佢个仔”，最终警察到场将案件列普通纠纷处理。

网民纷纷批评男童父母，“个男童冇家教因为全家人都系咁”、“佢个仔啲脾气系咪遗传佢阿爸阿妈㗎”，又赞赏见义勇为的男家长，“𠮶几个爸爸真男人”、“香港男人呢啲情况真系好好㗎，会企出嚟帮手，路见不平，尤其睇唔过眼男人虾女人”。

“争啲俾男人打。”该港妈于Threads发文讲述事件，她与老公带同年幼女儿去书店玩耍时，遇到1名男童“用手搣我个女只手，然后仲用𠮶啲好尖嘅玩具掟阿女心口”，之后男童“仲打埋佢阿妈，跟住仲喺度发烂渣踢嘢”，由于情况开始失控，她开声制止“你唔好再掟嘢啦！”，并站起身隔开男童与女儿。

男童搣人掟玩具　港妈开声制止：唔好再掟嘢

港妈指出，男童爸爸以为她想打人，“即刻好似想打我咁，手指指，指住我额头”，在场有不少人“都话佢哋唔啱，叫佢哋走”，而老公就抱着女儿安慰中，亦“叫个男人唔好手指指”。

男童父竟欲打人　母报警反指港妈想动手

港妈随后再站起身，“我惊个男人打我老公，跟住个男人好似又想打我”，当刻在场有数名不认识的男家长立即冲出来护着她，“隔住我同𠮶个男人，𠮶啲爸爸就叫个男人唔好虾女人”。

港妈感激获他人帮助：香港人系有爱

港妈续说，男童妈妈不满报警，“话我想打佢个仔”，两名帮她的男家长就“一直留喺度等警察嚟”，她感激道“人间有爱，香港人系有爱！香港男人见到女人有困难真系会帮，感谢”。她又事后检讨自己，“可能唔好企起身隔住好啲，我紧系唔会打小朋友！真系只系想挡住佢哋”。

网民批男童父母：唔识教就唔好生

有在场目击事件的网民留言指出，“在场，个小朋友发癫时个老窦系冇出过声，由佢癫，妈妈挡住自己个女佢就即刻出声闹人，所以点解佢个仔会咁，教都唔教，净系识怪人，你唔教就等其他人教㗎啦”。

其他网民也批评男童父母，“唔识教就唔好生个细路出嚟累人累物，累埋佢”、“佢父母唔教佢，到时出到嚟读书，大个出嚟做嘢，社会自然会有人教育佢。生仔真系要考牌，言传身教，个男仔点解会咁睇佢父母就明”。

网民感激：好彩有啲爸爸肯帮手做证人

有网民感激助人的男家长，“最憎呢啲泼妇，香港人系表面冷漠，但遇到事会出嚟帮手嘅”、“佢呢啲叫做恶人先告状！亦好彩有啲爸爸肯帮手做证人”、“𠮶2个爸爸真系好人，好彩佢哋帮手，仲特登留低等警察，我成日都觉得香港男人好多都好好”。

网民又指出，店舖闭路电视画面是纠纷证据，“舖头有cctv嘅报警可以睇返，撩人者贱，而且系佢哋小朋友唔啱先㗎㖞，点可以乱咁打人，个细路老窦摆明恰女人啦，好在𠮶几个爸爸出手，人间有爱”。

网民安慰港妈：千祈唔好怪自己做错

有网民安慰港妈，“千祈唔好怪自己做错，你保护个女系啱，如果系我，由佢搣我个女只手𠮶下我已经会出声话佢，再掂到我个女我唔会忍”。

有网民就建议，“下次都系抱起个囡后，一起离开现场，去另外1个地方慢慢哄个囡，同佢哋讲同闹都无谓，人哋个仔都唔理同做出呢啲行为，唔会即时去处理佢个仔的问题，大概都会知道佢屋企本身系点”。

（Threads@shirley_tooo）