外卖炒饭现大量毛发 顾客：非常得人惊 网民：咁多条好明显蓄意
炒饭及煎蛋黏附着大量毛发，看照片也瞬间食欲全无！有Keeta外卖平台顾客于网上发文指出，其外卖炒饭被人放入大量不明毛发，他即时与餐厅联络，餐厅初步怀疑外卖于配送过程中被人恶作剧，已安排退款及重新配送1盒新的炒饭，同时他向Keeta反映事件、报警及联络食环署，由于事态严重，相信涉及恶意行为或刑事性质，他明言会保留一切法律追究权利。
网民纷纷惊呼，“劲惊，会有阴影，好恐怖”、“好核突呀，啲外卖员咁黐线”、“1条都当佢唔小心，咁多条好明显系蓄意㖞”、“咁幼仲要咁挛，都几肯定系体毛，如果你冇得罪过外卖员，咁一定系佢心理变态”。
《香港01》已就事件向Keeta查询，正等候回复。
“外卖安全，请大家唔好即刻食，先望清楚再食。”该顾客于Threads发文表示，“最近经历咗非常得人惊嘅外卖事件”，他于Keeta外卖平台叫外卖，打开外卖包装时，“发现食物（炒饭）表面有大量不明毛发（不太肯定，疑似人体体毛），而且连包装盖上都有”，幸好他未有吃下肚，否则后果不堪设想。
外卖炒饭现大量毛发 顾客：非常得人惊
楼主立即报警并联络食环署，同时告知餐厅，“餐厅方面初步怀疑可能同外卖/配送过程中被人恶作剧有关，但现阶段仍需调查厘清”。楼主感激餐厅对事件“好上心去跟进”，“当晚收到饭之后即刻联络佢哋，都肯退钱同埋送个新嘅饭嚟”。
顾客对Keeta仅赠优惠券感失望 盼找出事件真相
至于向Keeta反映方面，楼主直言，“一直帮衬咗Keeta好耐，之前都好地地未试过咁，真系好失望，等咗3日都未有人畀合理答复我”，到终于有回复时，Keeta表示“跟进紧叫我等，同时offer一张$50优惠券当作赔偿”，但他拒绝，批评“你当我乞儿？件事咁严重，唔该你哋正视，揾出件事嘅真相并畀个交代我”。
楼主指出，由于事态严重，相信涉及恶意行为或刑事性质，他明言会保留一切法律追究权利，亦“希望大家提高警觉，唔好再有下个受害者”。
网民估外卖员恶作剧：摆明特登搣落去
不少网民估计是外卖员恶作剧，“其实100分之一万系外卖仔㗎啦，餐厅同你冇仇唔会咁傻断自己米，佢不知几想你当饭堂日日嚟”、“摆明特登搣落去”、“一定系特登㗎啦，正常人点会甩咁鬼多毛入去呀”，又说“都系自己买稳阵啲，分分钟加晒料你食咗下肚都未必知”。
网民讲外卖封口条重要性
有网民点出“外卖封口条”的重要性，无奈道“永远唔见餐厅用，次次都好似当胶纸咁贴张单就算，应该系要贴手抽位，咁样贴纸无烂就证明外卖员无开过个袋。而家实系鸡同鸭讲，外卖员又话系餐厅问题，餐厅又话返外卖员加料”。
另有网民说，“其实Keeta可唔可以抄返大陆咁，啲外卖用密封嘅袋，有防开胶纸，有啲餐厅真系hea到1个胶袋就算，俾人开咗都唔知！”、“餐厅真系要封得密实啲，起码有人打开过都知”。