的士界“老鼠屎”？有女乘客于网上发文指出，晚上下班后于的士站上的士，司机得知目的地是短途后就开骂，“系咁吊X，同畀态度我”，称女乘客上车的地方不是的士站，半路更停车称“唔识路、唔识行”，影片亦听到司机扬言“我可以唔载”。女乘客无奈说，“真系唔明点解可以咁样，系咪下下都要长途旅程要搭到几百蚊先可以搭的士”。

事件引来网民热议，斥责的士司机“近又话唔去远又唔去过海又唔去，咁学咩人揸的士”、“唔系的士站，司机咁你又停车接客”，并建议女乘客使用召车App免受气，“喺街截的士就好似交友app咁，盲盒唔系个个玩得起，建议下次都系call车好，长又好短又好，起码明买明卖，至少唔系盲盒”。

该女乘客于Threads发文指出，她于有多辆的士排队的的士站上车，起初司机态度不错，她说了短途目的地后，“揸揸下佢就开始系咁训话咁样，之后就系咁吊X，同畀态度我”。

的士司机嫌短途扬言：我可以唔载

司机又称女乘客上车的地方并非的士站，女乘客无奈说“或者我真系好无知”。从女乘客上载的影片听到司机爆粗骂道，“唔系的士站啰，我可以唔载，而家载你，讲咁X多嘢把X咩”。

女乘客：揸到半路停低，话唔识路、唔识行

女乘客表示，她最后忍不住问司机“其实系咪有咩唔满意”，司机指她应该在马路边截的士，“仲要揸到半路架车停低，话唔识路、唔识行”。

女乘客叹道，“真系唔明点解可以咁样，系咪下下都要长途旅程要搭到几百蚊先可以搭的士”、“我都系做咗1日嘢，夜晚收咗工想搭架的士早啲返屋企，点解我都仲要受你呢啲气”。

同为的士司机网民：呢啲情况一律建议投诉

事件引来热议，有同为的士司机的网民留言指出，“我都揸的士，呢啲情况一律建议投诉，唔使同佢客气”、“强烈建议版主投诉佢，清下啲老鼠屎都好”，女乘客回复说“已经投诉咗唔知有无用”。

另有的士司机表示，“我唔想要短途嘅话，我会泊埋一边冚旗慢慢揿order，唔会开旗，你开得旗排得站，就预咗咩客都上得，上得就唔好嘈啦，九唔搭八”、“乐见近年多咗好多90后、00后入行，希望渐渐改善到行业风气”。

网民建议：call车最方便，唔使受人气

有网民指出，“有啲司机觉得，排咗咁耐执支烂筹好唔抵，内心有情绪我明白，但发泄喺客度，相信任何服务行业都唔容许”。有网民教女乘客出“大招”，“当年我要过海，个司机话唔识路，‘咁尖沙咀警署识唔识路’，突然佢哋就识返”。

有网民就建议，“call车最方便，长短司机接得即系肯载客，唔使受人气”、“下次唔好去的士站上车，出路面拣啲郁紧嘅的士，排紧的士站𠮶啲，成日都会觉得要接大旗先叫好，好多说话听”。

的士司机不礼貌有什么刑罚？

根据香港法例第374D章《道路交通(公共服务车辆)规例》第45条“司机的一般操守”，的士司机须有礼貌及守规矩，任何人无合理辩解而违反条文或规定，即属犯罪，一经定罪，可处第2级罚款（5,000港元）及监禁6个月。

的士司机拒载会记几多分？有什么刑罚？

根据香港法例第374D章《道路交通(公共服务车辆)规例》第37条“的士司机的责任”的（a）及（b）条，的士司机如无合理辩解，不得故意拒绝或忽略接受租用人的租用，不论该租用人的意图是以明显或默示方式表示的；拒绝或忽略驾驶该的士至租用人指示的任何地方。

任何人无合理辩解而违反第37（a）及（b）条，即属犯罪，如属首次定罪可处第3级罚款（1万港元）及监禁6个月，如属再次定罪可处第4级罚款（2.5万港元）及监禁12个月。

此外，根据香港法例第647章《的士司机违例记分条例》，的士司机故意拒绝或忽略接受租用，以及拒绝或忽略驾驶的士至租用人指示的地方会被记10分。2年间被记满15分或以上，首次可被停牌3个月，其后每次6个月。

（Threads@cindiolam）