无论谁对谁错，遇事都应好好控制情绪。近日网上流传1段影片，有抱着年幼儿子的港妈大闹小巴车厢，她批评司机呼喝催促其年长母亲快点坐下，更在未坐定时就开车离开，于是站在车门楼梯位置“爆粗”大骂司机，不过司机否认有呼喝催促，只是叫婆婆先坐下。

不少网民批评港妈“爆粗”大闹，向幼子做出错误身教，“泼妇骂街”、“抱住小朋友都咁大声，仲粗口烂舌，吓死个仔呀！”、“小朋友嘅耳膜最无辜”、“个细路一啲反应都冇，证明久经训练”。

有小巴乘客于Threads发文发片，讲述港妈大闹前因，“个阿婆（女人阿妈）八达通跌咗落袋，司机叫佢坐低先，然后太太就发癫。司机一路态度好，太太误（会）错意，先演变成咁”，感叹“个细佬（路）真系好惨”。

批小巴司机呼喝母亲　抱仔港妈爆粗狂闹

影片见到，港妈抱着幼子、站在车门楼梯位置大骂司机，“一把年纪阿婆，我叫佢慢慢行得唔得呀？”，司机反指“我叫人坐低得唔X得呀？”、“我而家咩态度唔啱啊？”，港妈不满道“人都未行呀，你架车就开X走咗啊！”。

司机否认呼喝催促　乘客劝交：唔好嘈、赶时间

司机解释，“我点知你做咩呀，你可能落车呢？我剩系停低已经放咗一轮㗎啦”，港妈随后拉起放在地上的BB车，右脚擡起问司机“我问你而家嘈够未呀咁”，司机指出“你嘈住我咋”。

港妈不满司机呼喝催促其年长母亲，“你而家喝我阿妈上车，叫我咋咋临坐低啊！”、“你咁样喝人啱唔啱啊！”、“你叫阿婆行快啲啊！”，不过司机否认，其他乘客于影片尾段以“唔好嘈”、“赶时间”劝交，而幼子全程十分安静、未有哭喊。

网民批港妈爆粗大闹：教坏小朋友

网民纷纷批评港妈爆粗大闹行径，“教坏小朋友，身教好重要”、“个细路就惨啦，有个咁嘅老母”、“小朋友唔惊又冇乜反应，应该平时个老母都系咁”，又认为“又阿婆、又BB车、又抱仔，好心坐的士啦！”。

有网民指出，“到底咩事？坐低先，停红灯再拍返八达通啰，第一次搭小巴？”、“叫阿婆咋咋临坐低变咗喝阿婆虾阿婆恐吓阿婆，搭得小巴预咗要爽手㗎啦，想人等你慢慢上车坐低揽好安全带先开车𠮶啲叫的士Uber私家车，even巴士都唔会等全世界坐低先开车啦”。也有网民表示，“叫人坐低先，都要人哋真系坐低咗先㗎，未坐好，老人家跌一跌可大可小”。

小巴司机网民：有位就坐低先，唔好阻开车

有做过小巴司机的网民留言讲述行内辛酸，“我做过小巴司机，啲时间真系好赶，成日见啲人慢条施理咁上车又慢慢拣位，真系嘥好多时间，有位就坐低先，唔好阻开车，个个就成日讲脱班，到自己坐又慢慢嚟，香港人真系难服侍，就系啲人慢慢上车，真系到站尿都无得屙又开车走，同埋见到有位就坐，有位先畀钱，个司机位真系睇唔到有无空位”。

（Threads@ocean._.3）