外卖寿司大兜乱？有港男外卖点叫寿司，但送达时却发现大部份寿司严重移位，先是寿司料脱离醋饭，然后全被挤压到盒边，见到如此画面无奈表示“真心食唔落”。他指，初时向平台客服反映只获赔偿15元优惠券，最后需要致电餐厅，方获全数退款。

不少网民都觉得离谱，“净系睇你幅相，我以为系厨余或者食剩嘅”，揶揄“个外卖仔系咪叫做龙卷风？”、“无事，丼饭唔严格嚟讲，都系寿司嘅一种”。有人则觉得若然想吃寿司，不应选择外卖，“先唔讲10次有9次会炒埋一碟，呢啲天气外卖寿司嘅都系勇者”、“呢啲咁敏感食材自己出去外卖（自取）最稳阵，你唔知送𠮶个手头上接咗几多张单先去到你府上”。

《香港01》已向Keeta查询事件，正等候回复。

Keeta外卖288元寿司拼盘　寿司严重移位、倾斜盒边

事主于6月2日在threads帐号“_jackau”上传1张照片，指适逢外卖平台Keeta有优惠券，于是点叫一盘要价288元的寿司拼盘，但外卖送达后发现全部寿司严重移位，原本应该整齐排列的寿司，大部份寿司料脱离醋饭，且全被挤压到盒边，部份酱汁则黏附在透明胶盖上，显得相当凌乱。

向平台客服反映仅获赔优惠券　致电餐厅获全数退款

楼主见以上画面，表示胃口尽失“真心食唔落”，指翻查记录当时由步兵外卖员负责送餐，但餐厅和他住处只相差约10分钟距离，因此无奈表示“唔知系唔系玩嘢”，但经一事长一智，称下次将会选择外卖自取。他又透露，初时和平台客服反映，只获赔偿15元优惠券，最后致电餐厅方获全数退款，但仍无奈称“系今日晚餐GG了”。

网民嘲似厨余：个外卖仔系咪叫做龙卷风？

有网民认为情况离谱不能接受，“我本身净系睇你幅相，我以为系厨余或者食剩嘅，跟住我再睇埋你讲嘅嘢，oh my god”，纷纷揶揄“个外卖仔系咪叫做龙卷风？”、“新鲜由日本冲绳直送”、“无事，丼饭唔严格嚟讲，都系寿司嘅一种”、“当食海鲜刺身丼”、“散装醋饭及海鲜一份”、“我买盒lego $299，佢都系未砌好俾我”。

寿司不宜网上外卖？　网民：自取最稳阵

另有留言觉得部份食物不宜贪方便选择外卖，“先唔讲10次有9次会炒埋一碟，呢啲天气外卖寿司嘅都系勇者”、“见到人伏咁多次仲敢外卖叫寿司”、“呢啲咁敏感食材自己出去外卖（自取）最稳阵，你唔知送𠮶个手头上接咗几多张单先去到你府上”、“送外卖嘅一向都系不停fing（揈）袋食物，所以我从来都系外卖自取”。但有外卖员就质疑，“我成日都唔明点解可以将个外卖送到咁样。我明白送Pizza同寿司系好麻烦，但系唔会搞到咁样送去个客手上啰”。

（threads＠_jackau）