将巴士当自己家？有巴士乘客于网上公审1名男生坐在下层楼梯位置，不让其他乘客往上层，语气超差地说“下面咁多扶手企唔到？成日逼住要上2楼做咩”，即使有婆婆要求让开及车长广播也拒绝移动，“眼神超有敌意”。照片见到男生露出诡异笑容，楼主与数名乘客无奈下只能在下层“逼住企”。网民留言指出，“你哋竟然纵容佢？架巴士唔系佢包咗，佢坐嘅地方亦应该违法，你哋系咪可以同司机讲要报警？”、“司机有权叫佢落嚟，因为楼梯系唔可以企或坐”、“咁多大人，就怕1个豆靓”。

事件于网上广传发酵，楼主突于6月16日再发文表示事件纯属虚构，照片中的男生是其认识多年的朋友，公审帖文的内容是使用人生智能（AI）豆包生成，声称“一开始只当作私人趣味创作分享，没想到会意外扩散、引发大量误解与讨论，甚至登上新闻”，他为给朋友及网络大众带来困扰致歉。

不过网民不接受道歉，纷纷狠批楼主，“OnX当有趣”、“道个歉就冇嘢㗎啦？做你frd真系惨，畀我会即刻绝交，玩下从来都唔系借口，出得公开post就预咗有唔同人睇到”、“有你呢个朋友系佢嘅不幸，明知Threads系公海嚟（如果你系讲真）”。

“巴士呢个男仔真系离晒大谱，霸住楼梯唔畀任何人上2楼，态度仲超凶”。该巴士乘客于Threads发文忆述，放学后乘搭98A线九巴时，“下层逼到企都冇位”，欲往上层寻找座位，却见到1名穿黑色上衣的男生坐在下层楼梯位置“堵死条路”。

巴士恶男坐楼梯拒让开

楼主形容，“成个楼梯平台净系得佢1个人坐，两条脚大剌剌横晒拦实整条楼梯，全程顾住整佢个白布袋，个样本身已经黑口黑面，眼神凶到好似人欠佢几百万”。

婆婆被迫站下层　恶男：唔好烦我

楼主表示，他礼貌要求“唔该借过，我要上楼”，但男生不但不缩脚，还伸多点出来，擡头恶狠狠瞪着他，语气超差地说“下面咁多扶手企唔到？成日逼住要上2楼做咩，我而家整紧嘢，唔想郁”。

楼主身后陆续有5至6位乘客上车，有大叔、有学生，“全部堵喺我后面等让路，冇人敢行过”，有婆婆小声说“想上2楼坐稳啲”，男生直接将布袋放中间挡着，凶恶地说“讲咗唔得就唔得，要上楼全部等埋，唔好烦我”。

男生无视车长广播　楼主：眼神超有敌意

楼主斥责男生，“成个人霸住公共通道完全冇半点公德心，明明缩少少脚就有足够位置通行，硬系要占住条楼梯阻晒所有人，个凶神恶煞嘅样子，好似我哋要阻碍佢做大事一样”。

楼主续说，巴士车长透过镜见到车厢后面堵塞，开广播呼吁在楼梯口的乘客让开通道，但男生“当听唔到，低头继续摸个袋，偶尔擡眼扫下我哋一班等紧嘅人，眼神超有敌意，完全唔理身后一车人嘅不便”。

楼主：霸实个楼梯位唔肯让半步

楼主指出，最后他与数名乘客没办法，“退返落下层逼住企，一路坐到落车，佢都仲系霸实个楼梯位唔肯让半步”，“佢净系留条好窄嘅位畀人落嚟，但系唔畀人上去”。

楼主批评，“搭巴士公共空间唔系私人地方，点解可以有人咁自私，为咗自己整理个袋，无理阻碍成班人通行，仲要态度咁恶？”。

网民：点解要助长野蛮行为　楼主拍到诡异笑容

有网民表示，“点解要委屈自己助长呢啲野蛮行为？后生企都算，咁后面个婆婆呢？呢啲人值得被社会教训一顿”、“畀我会XX佢，做人不要太凹水”、“直接踩佢个袋行上去”、“畀我一定当佢透明，照行上去，佢有本事咪打我啰”。

楼主回复网民留言指出，该男生曾经有一下对着他露出笑容，“佢畀我个feel系好似想动手，所以你哋叫我直接踩住佢上去，小弟真系唔系好够胆”。

网民吁向车长反映：车长有责任处理

有网民指出，楼主及一众被阻挡的乘客应向车长反映，“其实佢唔肯起身，应该要同车长讲，车长系有责任停下一个站时处理”、“车长有责任处理，楼梯唔可以坐同埋佢阻住其他人，广播唔work咪停埋一边走去佢面前铲爆佢啰，佢唔听可以要求佢落车，我见有啲车长好X恶㗎，行到个乘客面前指住佢嚟大声闹”。

部份网民认为：唔值得同佢乱片，安全最紧要

有网民认为男生神情凶狠，不应随便招惹，“呢款人反社会人格”、“有种毛骨悚然嘅感觉”、“大家都几犀利斗牛勇士，可以话返楼主转头，呢啲点知随时拎刀出嚟，讲就牙刷刷，真系做有几个，唔系点会成车无人出脚”、“阵间佢拎把cutter（鎅刀）出嚟，其实你影住佢已经好够胆，个个大只佬咩”、“唔值得同佢乱片，嬲还嬲，自己安全最紧要”。

有网民则说，“希望佢家长同老师睇到，好好纠正小朋友做人态度，否则男孩长大了不易与人相处，正常工作都难”。

法例只订明不准于巴士楼梯站立？

根据香港法例第230A章《公共巴士服务规例》第13A条，巴士移动时，乘客不得在通道以外的任何巴士部份；巴士上层；或前於单层巴士或双层巴士下层司机位最后部份站立。

不过九巴乘客须知有列明，登车后应行入车厢内部，严禁阻塞楼梯及闸门通道。

楼主自爆：人工智能AI生成虚构公审文

事件于网上广传发酵，楼主突于6月16日再发文表示事件纯属虚构，照片中的男生是其认识多年的朋友，“整件内容仅是我单纯运用AI工具创作的虚构素材，没有任何真实事件、真实冲突作为原型，也从未有刻意抹黑、造谣、恶意消费他人的想法”。

他续说，“一开始只当作私人趣味创作分享，没想到会意外扩散、引发大量误解与讨论，甚至登上新闻，给我的朋友、互联网大众带来困扰，这部分我深感抱歉”，并上传两张使用人生智能（AI）豆包，要求创作Threads公审帖文的截图。

网民狠批楼主：你个fd分分钟俾你用AI害死

网民纷纷狠批楼主，“OnX当有趣”、“不是趣味分享，是恶趣味”、“道个歉就冇嘢㗎啦？做你frd真系惨，畀我会即刻绝交，玩下从来都唔系借口，出得公开post就预咗有唔同人睇到”、“你个fd分分钟俾你用AI害死”、“有你呢个朋友系佢嘅不幸，明知Threads系公海嚟（如果你系讲真）”，有网民质疑“系AI定系想帮你朋友洗白咋”、“你呢段文都系AI”。