站巴士车头小心！女生站不稳手机碰到八达通机 再付款震惊车长
搭巴士站近付款机要留神！有女生于网上发文分享搭巴士时的惊奇趣事，她下班时登上1辆人多挤迫的巴士，行车途中她站在付款机前玩手机，突然间一时站不稳，手机刚好碰到八达通机就付了款，车长十分震惊，“问我点解要畀多次钱”。
帖文引来热议，有网民教路以1句幽默回应车长化解尴尬，“冇，见你揸得几好，想打赏下你”，引来逾2万网民按赞，赞扬是“Threads界周星驰”、“睇到呢句嘅时候我笑到喷鼻涕”。另有网民提供其他“啜核”答案，“答：因为你靓仔”、“答：因为一阵有位我要坐2个位”、“答：我畀埋听日𠮶转”、“你同佢讲：我有钱冇埞使”。
该女生于Threads发文分享事件，笑说“发生咗件极X嘅趣事”，她忆述“放工归心似箭，架车full咗要企都照上”，当时人满到要站在付款机前。
搭巴士人满站车头 女生意外再付款
行车途中，女生一直在玩手机，当巴士驶到屯门公路“落斜位”，“一时企唔稳个人向前摇一摇，咁啱部手机就嘟到部八达通机”，女生直言“司机劲shocked，问我点解要畀多次钱”，“我答完佢唔小心揩到，跟住佢无反应当无事发生”。
网民：演唱会企位系贵啲，配合车头超开扬视野
网民留言笑说，“企位都畀两次钱”、“可能系因为佢企紧企位‘头等’？”、“买埋隔篱个企位，想企得舒服啲”、“同演唱会一样，知道企位系贵啲，配合车头超开扬视野”、“多谢你畀多$9.7，令我睇留言睇到会心微笑，呢种失去换来更多快乐，好值得”。
有网民表示，“可以试下同后面上车啲人讲你帮佢哋畀咗，叫佢哋畀返cash你”、“有得send email去九巴做退款”、“你只要记录低拍卡时间同路线，最好有埋车牌，打去九巴客服，会帮你搞回水”，又建议设付款关卡，“我部手机set要先扫face ID先畀到钱”。
前巴士车长：嘟多次钱系多人到顶闸时嘅日常
有前巴士车长分享上班所见所闻，指出情况常见，“我以前揸过专利巴士公司，可以话畀你听，依呢个系多人到顶闸时嘅日常，间唔中会有人会将只手表/挂住嘅八达通/手机队咗去个八达通机度，嘟多次钱，身为车长我都做唔到啲乜嘢”，有现职车长就说“每次有客企八达通机位嘅时候就会熄咗部机”，以防有乘客“误嘟”。
有巴士公司员工分享自己的尴尬经历，“作为巴士公司员工嘅自己都试过，本身企喺司机门隔篱，收油𠮶吓向前冲，个电话掂到八达通机，嘟𠮶下呆咗，仲要咁啱校咗$44蚊，啲同事知道呢件事笑到停唔到，好彩之后问公司攞得返（就算拍多次员工八达通都无咁尴尬，不过自己𠮶张就……）”。
网民分享：爸爸入错$100，请后面乘客免费搭车
另有网民分享类似经历，“我试过用Apple watch畀钱嘅时候只手揸住电话，然后嘟咗两次八达通”、“我爸爸试过一手攞住100蚊纸，另1只手攞住张10蚊纸。咁爸爸唔小心入咗张100蚊，司机想畀返95蚊爸爸，爸爸：唔使，后面啲人全部唔使畀钱，我请”、“之前返工试过落咗火车，只手fing住行嘟1下就拍咗头等”。
有网民说开了iPhone AirDrop也会衍生尴尬事件，“我有次放工搭地铁，港岛线逼到XK，全部人黐住企。然后有一下chok一chok，我同前面个男人唔小心电话碰电话，feel到个电话震动开始储力，然后个AirDrop就弹咗大家个contact出嚟，最后我哋两个喺度对望尴尬笑”。
其他报道：餐厅汤内捞出手机 荒诞画面惹爆笑 网民创谐音梗：Samsung一汤
食物内有昆虫毛发就见得多，这次竟然升级到藏有手机？有食客于网上发文分享，与家人去餐厅吃饭时点了1碗汤，怎料盛汤时竟发现汤内有部手机，画面极其荒诞。
帖文引来网民爆笑，有人创作谐音梗“Samsung（三𩠌）一汤”，亦有人笑说“如果呢碗系粥，真系煲电话粥喇”、“你是否在汤里救过一部电话？”、“荒谬到AI都做唔出”。
该食客于Threads发文发相表示，“嘢食有曱甴我听过，有电话我真系第一次见。屋企人食饭叫咗兜汤，然后揾到部电话”。
食客餐厅汤内捞出手机
照片见到，楼主家人于1碗有肉有菜的汤内捞出1部套着紫红色手机壳的手机。
食客揭晓物主：系拎汤过嚟𠮶个叔叔嘅
楼主其后于留言区补充说，他们并未有喝下该碗汤，当时询问侍应手机物主是谁，发现“系拎汤过嚟𠮶个叔叔嘅”。
有网民疑惑问“重点系点解可以跌咗落去但唔知”、“冇水花㗎咩？”，楼主猜测“可能太忙佢都冇留意”，又笑说“我怀疑佢想换电话但老婆唔畀”，楼主又透露该餐厅并非位于香港。
网民玩谐音梗：Samsung一汤
有网民大玩谐音梗，笑说是“Samsung（三𩠌）一汤”，引来其他网民大赞，“香港人有属于自己嘅谐音gag”、“师兄有料”、“近年见过最完美嘅食字”、“2026年最佳留言”。
有网民表示看照片第一眼没留意到白色的汤勺，以为手机凌空，“点样影到部电话自己识浮起”，其他网民“跟机”表示，“same，我都有呢个错觉”、“睇咗好耐先睇到支白色羹柄”、“开咗飞行模式”。
网民：部手机未必干净过曱甴
另有网民笑说，“原来电话真系食材嚟，煲粥又得煲汤都得”、“今次真系可以补充‘电’解质”、“优惠期内一碗汤跟一部电话”、“厨房师傅：有冇人见过我部电话？”、“有冇河神走出嚟问你：你跌嘅系金色嘅iPhone定系银色嘅iPhone”、“食食下碗汤识响真系吓死”、“如果开震机啲汤系咁郁以为地震添”、“其实部手机未必干净过曱甴”。