这位男童孜孜不倦，潜心赛车书籍，将来必定大有作为！近日网上流传照片，有男童于港铁车厢内拿着F1赛车传奇设计师纽维（Adrian Newey）的回忆录《How to Build a Car》。与众不同的兴趣吸引身旁乘客注意，拍下照片于网上分享，大赞“有前途”，又透露男童及后找到座位后，就坐下阅读至下车。

网民纷纷附和赞赏，“呢个小朋友识货啊！”、“肯揸住书嘅人真系唔多”、“仲要系英文，好好嘅开始，好多人连书都唔会揸”、“好好呀，呢个世代仲揸书睇，出面周街嘅人全部都只系睇电话，包括自己，难能可贵”，另有网民赞男童父母给予孩子自由发展的空间，“良好教育下，小孩有兴趣就会自主去看去学习”。

有港铁乘客于facebook群组“地板友 Flat Out Club”分享两张照片，见到他身前有位被妈妈拖着的男童，其左手拿着1本打开了的F1赛车传奇设计师纽维（Adrian Newey）回忆录《How to Build a Car》。

港铁男童看F1赛车设计师英文书

根据诚品书店网页简介，纽维是现代F1赛车界最具影响力的设计师之一，也是英国最伟大的工程师之一。这本回忆录以纽维自己设计的赛车为主轴，娓娓道来他横跨36年的传奇赛车生涯，书内收录多幅从未公开的设计草图与手稿，是赛车迷的必读之作。

目击乘客赞有前途：睇到落车

楼主指出，该男童其后找到空位坐下，继续阅读手上书籍，“睇到落车”，他大赞男童“有前途”，阅读“唔系得图嘅书”，“肯拎本书出街睇，已经好难得”。

楼主又分享邻居如何支持子女的兴趣，“有独特兴趣都要有大人支持先得，我以前隔篱屋个鬼佬，成日喺度整架越野电单车，我见唔系一般size，就多口问佢，原来整畀个仔玩”。

网民赞：揾到自己兴趣，学习态度好

网民纷纷对男童拿着1本厚重的技术性英文书感惊奇，亦大赞好学，“好过读正书啦，大把学问，深到X街”、“ok㖞，依家啲细路有几多个睇得到咁深嘅英文”、“睇书学习永远都有用，只系有几多人愿意去付出呢个时间”、“呢本真系好嘢嚟，我都买咗，早知买电子书，揾keyword都易啲”。

有网民指出，年纪轻轻能找到兴趣是好事，“正，佢已经揾到自己兴趣，先唔话睇得明几多，但佢学习态度非常好，respect”、“先睇赛车设计师嘅自传，再大啲就睇啲Technical啲技术性高啲嘅工程书！”、“一步步来，兴趣可以培养，但系要按步就班，心急一时就会令自己有损失”。

网民叹：试过搭车揸住本英文书被人话造作

有网民分享儿时回忆，“有啲小朋友真系有独特嘅兴趣。仲记得我自己小学时候，𠮶阵时得录音带，日日放学就落中环大会堂借古典音乐录音带返屋企自己听”。

有网民就慨叹香港自由发展的空间狭窄，“唉，香港地，我试过搭车揸住本英文书偷听到附近哥哥仔话我造作（细细个系读英文大），如果个个都好似你哋咁识欣赏人就好了，多点赞美，少啲去酸人（香港人成日咁，把口劲，在网上就系专家级）”。

网民分享照片：我𠮶女系睇解剖

另有网民笑说，“其实而家啲小朋友好叻㗎啦，试过有小朋友俾阿妈闹完，佢用AI揾到如何处理冲突，send返畀阿妈睇”，亦有网民分享自己的女儿同样好学，会看解剖类书籍，“佢𠮶本同我个女𠮶本差唔多厚，不过我𠮶女系睇解剖”。

（facebook群组“地板友 Flat Out Club”）

其他报道：轻铁男童对反光衣感好奇　叔叔跪下耐心讲解职业　网民：画面好靓

好有爱又感动！近日网上流传影片，1名焊接检验师叔叔单膝跪坐在轻铁坑尾村站月台，向两名充满好奇心的男童耐心解释为何穿着反光衣及平日工作内容，男童静静地认真听讲解，暖心画面引来网民大赞，“好靓嘅画面，叔叔好自豪分享，小朋友又好认真听，重点系妈妈冇话乜嘢唔读书就做呢啲，畀小朋友去见识下，赞！”。

男童妈妈亦于留言区现身，感激叔叔当时的反应，“佢立即踎低，用同高度嘅视觉回应细佬”、“叔叔好好，1个陌生孩子的发问被认真对待，这比一切都来得美好”。

有轻铁乘客于Threads发文发片表示，在轻铁站月台候车期间听到1名叔叔与两名男童的对话，叔叔先说“等我揾个安全啲嘅位置坐低先”，由于距离太远，她听不到男童说了什么。

男童对反光衣感好奇　叔叔跪下耐心讲解

楼主说，其间听到叔叔不停鼓励男童发问，男童认真听，叔叔亦认真讲解，最后列车到达叔叔要离开，男童祝福了1句“身体健康”，而男童妈妈一直在旁笑着，楼主直言“睇完呢个画面觉得今日心情好好”。

楼主分享了1段14秒影片，见到1名穿红灰色反光衣的叔叔单膝跪坐在轻铁月台耐心讲解，“睇下佢𠮶嚿铁会唔会中间有开口，有开口咪即是黐得唔靓仔，咁就麻烦啲工人，唔该再搽啲胶水、溶过啲金属黐过佢”，两名男童站在身前认真地听。

男童妈妈感激叔叔：踎低回应，用简单词汇解释

帖文引来男童妈妈现身讲述事件过程，“其实一开始细佬系俾叔叔件衫吸引咗，之后佢问我，点解叔叔要着反光衣？于是我就叫佢试下问下叔叔系做咩工作”，叔叔回应是“验焊工人”。

男童妈妈感激道，“当时呢个叔叔嘅反应都令我好动容，佢立即踎低，用同高度嘅视觉回应细佬”，又赞叔叔亲切，“好努力去用简单嘅词汇解释畀佢（细佬）听，细佬只系唔太听得明，所以睇落去个样好紧张。之后叔叔仲打开个袋拎咗几件工具出嚟畀佢睇，佢到夜晚黑都仲有讲叔叔个刷好特别”。

男童妈妈：细佬系超级E人，经常喺街同人倾偈

男童妈妈同时感谢楼主拍下影片，指出“细佬系超级E人（外向型），所以佢其实经常都会喺街同人倾偈，同埋祝大家身体健康”。

网民大赞妈妈：适当放手畀儿子自由发挥

影片引来热议，有网民表示“好得意，虽然个样望落好似听唔明咁”、“我系咪真系老咗，睇到呢啲画面竟然会眼湿湿”、“求知欲好宝贵，见到佢哋可以问真人唔系问AI真好”、“每个职业都好应该被尊重”。

有网民大赞妈妈教育方式，“身教好重要，会嗌仔仔主动沟通，有啲家长见到可能嫌人污糟拉个仔走”、“小朋友充满好奇心，有礼貌又主动问，妈妈又适当地放手畀佢哋自由发挥，非常好”、“小朋友喺走前同叔叔讲身体健康好sweet，妈妈教得好好”。

网民赞叔叔有耐心：整件事要畀10万个like

有网民就赞叔叔有耐心，“最难得系叔叔又耐心地回答，整件事真系要畀10万个like”、“睇得出呢位叔叔系好肯提携后辈又有耐心嘅前辈，而两位小朋友系非常专心学习又有礼貌嘅后辈，呢个配搭好温馨”、“小朋友好奇心每事问，解答者又有爱心耐性”、“开明嘅妈妈、聪颖嘅细路，同耐心嘅叔叔，合力说好香港故事”。

（Threads@kinkipig95）