有片│港铁2阿伯打尖被阻！撞胸恐吓：打爆妳只脚 港女绝招KO获赞
乘搭港铁必须按指示排队！本港社交平台Threads疯传影片，港铁东铁线上水站月台有2名阿伯站在车门中间插队，有香港女子劝喻按标示排队，讵料2名阿伯反而不断“爆粗”责骂港女，甚至恐吓“唔好郁我啊，打爆妳只脚！”。列车到站后，2名阿伯想“打尖”上车，双方争执期间，其中1名阿伯疑触碰到港女胸部，港女于是边咆哮“非礼啊！”，边把阿伯抓下车。最终多名港铁职员到场处理并报警。港女透露，警方翻看影片后，表示要以涉嫌“刑事恐吓罪”拘捕阿伯；她又寄语，“遇到呢啲咁嘅事情 ，大家都系唔好惊一定要出声，唔好怕嘥时间放过呢啲咁嘅衰人”。
影片引来网民热议，纷纷大赞港女“做得好”，“太太你好好勇敢，遇到真系要岀声啊！”、“好勇猛respect”、“欣赏你挺身而出”、“好声好气叫你排队唔听，打人尖仲声大夹恶”。
“遇到呢啲咁嘅事情，大家都系唔好惊一定要出声，要保障自己。唔好怕麻烦 ，唔好怕嘥时间放过呢啲咁嘅衰人。”该港女于7月31日在Threads发布影片讲述事件详情，指在港铁上站等车时，有2名阿伯插队，“突然喺后面行过嚟我右手面企咗喺开门出口绿色箭嘴，白衫嘅（阿伯）手臂亦都贴住我嘅手臂”，她即时劝喻2人按标示排队，惟对方反呛“我哋已经排紧队啦”，拒绝排队，“我就同佢哋讲呢度系出口，麻烦两位排返去后面。总之来来回回佢都系咁样答我话自己排紧队，个个都企呢度㗎啦，我钟意企呢度吹咩etc”。之后阿伯开始“爆粗”说“X你老XX”，楼主遂拍摄影片保障自己。
港铁2阿伯打尖被阻发难 批侵犯人权：X妳老XX啊！
从影片看到，2名阿伯站在车门中间绿色箭嘴下车位置，楼主批评“唔排队仲大声夹恶！”，穿灰衣阿伯则反驳“侵犯人权啊！X妳老XX啊！”。楼主回应港铁范围不可说粗言秽语，阿伯则回呛“妳够侵犯人权”，楼主强调“香港无肖像权”，并重复劝喻阿伯排队，“我而家叫你排队咋先生，请问你可唔可以排队？”。
撞胸恐吓“打爆妳只脚！” 打尖上车被港女拉落车
其间与灰衣阿伯同行的白衣阿伯大动作阻挡镜头，楼主警告“唔好掂到我啊，我嗌非礼㗎！我报警㗎喇，你再掂到我！”，白衣阿伯挑衅“嗌啦嗌啦嗌啦”，并不满道“排队都搞到咁X样”，楼主随即反驳“咪就系你无排队啰因为，知唔知咩叫排队啊？”。这时灰衣阿伯突然强行插入楼主前方位置站在队头，楼主于是高呼“打尖啊”，怎料灰衣阿伯竟威吓“唔好郁我啊！打爆妳只脚！”，楼主高呼“呢2个（阿伯）唔排队仲要恐吓人啊！”。
待列车到站，2名阿伯想上车，白衣男继续伸手阻挡镜头，其间疑手肘触碰到楼主胸部，楼主大叫“先生你掂到我个胸，你唔好走啊！非礼啊！非礼啊！”，并把2名阿伯拉下车，“白色衫位男士就用佢左手嘅手臂大力推撞我，而且推落到我右边胸。佢两个即刻走咗入车厢，我亦都跟入去拉住佢个袋拉返佢出嚟”。被拉下车后，2名阿伯本想离开，灰衣阿伯更反指控楼主非礼，“妳够非礼人，妳摸人先㗎！妳骚扰人先㗎”，并挑衅“报警啊！”，楼主则表示“你放心啦，我唔系啲怕事嘅人，你千祈唔好走啊！”。随后多名港铁职员到场并报警，双方在月台对峙，影片至此结束。
2阿伯涉刑事恐吓 港女吁勇敢发声
楼主于帖文补充，警察到场后翻查影片，“话咗佢哋（阿伯）点都系唔啱，警察同我讲佢两个知衰想诚恳同我道歉，但系我真系接受唔到 ，发生咗成十分钟，如果系知衰点解要等到警察嚟先道歉先惊，尤其是佢最后一下专登推我仲掂到我嘅胸，我真系好唔舒服，唔会接受到对唔住了事。而且我都唔觉得佢哋好惊知衰，两个仲喺度有讲有笑”，最终“警察就话要拉佢告佢刑事恐吓”。
楼主事后直言，“其实我都惊㗎！”，但认为应勇敢发声，“比起唔出声委屈会更辛苦，只要道理系喺你𠮶边，你就唔使惊佢，同埋嗌交真系唔讲粗口有力啲，当然记得要注意安全先”。
网民赞港女做得好：好勇敢
网民看过影片纷纷大赞楼主“做得好”，“太太你好好勇敢，对答非常好，遇到真系要岀声啊！”、“好劲呀你”、“好勇猛，respect”、“欣赏你挺身而出”。亦有网民指摘阿伯离谱，“一早企返啱，唔好为咗偷鸡贪心企中间咪唔使搞到咁大啰”、“好声好气叫你排队唔听，呢啲人打人尖仲声大夹恶”、“叫佢排队，就讲侵犯人权！香港人好多呢啲X街，错唔认！讲其他嘢，掩饰自己嘅错！”。
港铁范围滋扰乘客、讲粗口可罚款5,000元
根据《港铁附例》第25条“ 乘客不得造成滋扰”，任何人不得在列车上或在铁路处所任何部份作出对其他乘客造成滋扰或烦扰行为，违者最高罚款5,000元。
另根据第28H条“粗言秽语”，任何人于铁路处所之上，不论何时不得使用任何威胁性、粗秽、淫亵或使人反感言语，或闹事、行为不检、行为不雅或作出使人反感行为，亦不得骚扰任何人，或故意对他人的舒适及方便造成干扰，违者最高可罚款5,000元。
“刑事恐吓”可处监禁5年
而根据第200章《刑事罪行条例》，“刑事恐吓”一经循简易程序定罪，可处第1级罚款（2,000元）及监禁2年，一经循公诉程序定罪，可处监禁5年。