网上不时出现外卖藏有异物的情况，例如有虫和毛发！惟日前有食客在社交平台分享更离奇的外卖经历，事缘她外卖海南鸡饭开餐，吃到尾声发现外卖盒底部凸起，之后竟然传出“响铃声”，里头竟藏有1部手机，上方文字显示为泰文，接听电话后更一度被人怀疑偷手机，无奈称“厨师呀厨师，点解你会将个电话摆咗落个饭盒到？”。

网民诧异“我睇紧啲咩，AI都作唔到”、“成餐饭最值得开心就系真系泰国人整”，又笑称“海南机饭”。不过有网民担心手机含菌量极高，“据讲手机表面比厕板含菌量更劲㖞”，因此建议事主向食环署举报。

外卖海南鸡饭！盒底传响铃声惊揭藏电话

该女食客在threads发帖，表示点了一份海南鸡饭外卖，她形容即将吃完之际“我见到个（外卖）盒（底）凸起咗，有嚿好硬嘅嘢”。楼主当时觉得奇怪，突然听到里头传出电话来电铃声，发现原来盒内藏有1部手机，故呕心称“我本身觉得个饭好好食，但我宜家真系有少少反胃”。

手机萤幕亮起　来电联络人姓名显示泰文

从楼主上传的影片和照片所见，黑色外卖胶盒底部平放一部智能电话，电话表面充满黄色饭粒，由于萤幕当时是黑屏，不仔细看的确难以发现电话。而楼主几乎吃完整个饭盒，电话铃声才响起，手机萤幕亦随之亮起，可见来电的联络人姓名显示为泰文，估计机主并非港人，只能无奈表示“厨师呀厨师，点解你会将个电话摆咗落个饭盒到？”

一度被怀疑偷手机！　终获赔100元补偿

楼主续称，接听电话后对面传来女声，猜测是机主的同事，不过对方第一句竟然是“点解我朋友电话喺你度？你系边个？做咩偷咗我朋友电话？”经过一轮了解后，有两人上门欲取回电话，楼主指他们“好紧张咁企喺门口唔敢拍门”，她之后将外卖盒连电话归还对方，获给予100元以作补偿，并称“佢又真系咁啱得咁跷，喺我啱啱食完嘅时候打嚟， 迟多1分钟我都当垃圾掉咗”。

网民指手机含菌量极高：同奶佢个mon冇分别　建议报食环

不少网民惊呼呕心，并指出手机含菌量极高，“第一张图系完全保护色咁隐藏咗”、“据讲手机表面比厕板含菌量更劲㖞”、“好恐怖，成个电话都可以摆得入去个饭到”、“所以你系食紧佢啲面油”、“同奶佢个mon冇分别”、“我睇紧啲咩，AI都作唔到”、“好彩你趁热食，如果你成盒拎去叮就大镬”、“我估阿厨师应该系平时贪方便玩手机，将个手机放喺啲外卖兜到，咁啱忙起嚟又唔记得咗电话放咗喺入面，就直接𢳂咗啲饭落去”，并建议“报食环啦”。

网民玩食字：海南机饭

有人则调侃楼主，“咁开心，食海南鸡饭送电话”、“你就好，平时通常系生菜垫底，你系电话好高级”、“宜家啲商家为咗俾少啲饭真系无所不用其极”、“成餐饭最值得开心就系真系泰国人整”、“唔知以为执行紧卧底任务”，又玩谐音留下爆笑留言，“海南机饭”、“泰识phone味”。

相关报道：餐厅汤内捞出手机　荒诞画面惹爆笑　网民创谐音梗：Samsung一汤

食物内有昆虫毛发就见得多，这次竟然升级到藏有手机？有食客于网上发文分享，与家人去餐厅吃饭时点了1碗汤，怎料盛汤时竟发现汤内有部手机，画面极其荒诞。

帖文引来网民爆笑，有人创作谐音梗“Samsung（三𩠌）一汤”，亦有人笑说“如果呢碗系粥，真系煲电话粥喇”、“你是否在汤里救过一部电话？”、“荒谬到AI都做唔出”。

该食客于Threads发文发相表示，“嘢食有曱甴我听过，有电话我真系第一次见。屋企人食饭叫咗兜汤，然后揾到部电话”。

食客餐厅汤内捞出手机

照片见到，楼主家人于1碗有肉有菜的汤内捞出1部套着紫红色手机壳的手机。

食客揭晓物主：系拎汤过嚟𠮶个叔叔嘅

楼主其后于留言区补充说，他们并未有喝下该碗汤，当时询问侍应手机物主是谁，发现“系拎汤过嚟𠮶个叔叔嘅”。

有网民疑惑问“重点系点解可以跌咗落去但唔知”、“冇水花㗎咩？”，楼主猜测“可能太忙佢都冇留意”，又笑说“我怀疑佢想换电话但老婆唔畀”，楼主又透露该餐厅并非位于香港。

网民玩谐音梗：Samsung一汤

有网民大玩谐音梗，笑说是“Samsung（三𩠌）一汤”，引来其他网民大赞，“香港人有属于自己嘅谐音gag”、“师兄有料”、“近年见过最完美嘅食字”、“2026年最佳留言”。

有网民表示看照片第一眼没留意到白色的汤勺，以为手机凌空，“点样影到部电话自己识浮起”，其他网民“跟机”表示，“same，我都有呢个错觉”、“睇咗好耐先睇到支白色羹柄”、“开咗飞行模式”。

网民：部手机未必干净过曱甴

另有网民笑说，“原来电话真系食材嚟，煲粥又得煲汤都得”、“今次真系可以补充‘电’解质”、“优惠期内一碗汤跟一部电话”、“厨房师傅：有冇人见过我部电话？”、“有冇河神走出嚟问你：你跌嘅系金色嘅iPhone定系银色嘅iPhone”、“食食下碗汤识响真系吓死”、“如果开震机啲汤系咁郁以为地震添”、“其实部手机未必干净过曱甴”。

（threads＠paperbbb）