搭小巴插队失败 两婆婆斥：唔识尊老爱幼 男生反击：阻人去医院
无论男女老幼，乘搭公共交通工具都要排队！有港男生于网上发文批评搭车插队的长者，他日前带家中长者排队等63线小巴去玛丽医院覆诊，有两名去买𩠌的婆婆见小巴“埋站”立即冲上队头，他看不过眼指斥插队，婆婆竟骂道“而家啲后生唔识尊老爱幼㗎啦”，男生随即反击“尊老爱幼系畀啲知个丑字点写嘅人，买𩠌就唔好搭两蚊车阻住人去医院”。
网民大赞男生，“畀个like你！唔应该恃老卖老，边个先排队就先上车，系道理”。有网民斥责插队者，“我本身都系两蚊搭车，但系我都好憎啲老嘢，老奉要让佢！三唔识七做乜X嘢让你啫！”。
该男生于Threads发文讲述事件，指出“其实真系唔想闹班老人家，因为自己屋企都有，自己迟早都系”，当时他带家中长者排队等63线小巴去玛丽医院覆诊，排在队伍第三及四位，其间听到后面有两名婆婆在聊天，聊到去买𩠌及同样去华富。
两婆婆搭小巴插队 队头年轻男女未作声
男生续说，小巴驶过来时，两名婆婆分别讲“咦，架小巴好似好满㖞”、“准备上车啦，仲讲”，到小巴“埋站”两人立即冲上队头，但排在第一及二位的1对年轻男女未有作声。
两婆婆插队失败斥：唔识尊老爱幼
男生看不过眼指斥婆婆插队，“佢哋（年轻男女）唔出声系佢哋嘅事，排队识唔识？”，该对年轻男女继续未有作声，男生随即着男女“你两个上车啦仲望？”，之后小巴只剩下两个空位。
男生表示，“得返两个位我哋上得”，两名婆婆紧接指“畀我哋上先啦”、“而家啲后生唔识尊老爱幼㗎啦”。男生未有被道德绑架，反击道“悭啲啦，唔系叫住你两条八婆已经插咗队。尊老爱幼系畀啲知个丑字点写嘅人，买𩠌就唔好搭两蚊车阻住人去医院”。
网民：搭小巴从来没人可优先上车
“正常嚟讲香港除咗乡村小巴个别会写明村民优先上车（避免郊游人士搞到村民搭唔到车），或者好个别小巴路线（例如我自己区嘅小巴）会有站长喺繁忙时间捉住一啲明显地行动不便嘅资深长者送佢上车先，否则都从来唔会有任何人比起其他人更加优先可以上车”
“好多后生可能怕俾其他乘客闹话佢哋唔尊敬长者，所以好多都算数唔敢出声，又或者怕嘈起上嚟俾人拍片”
“如果前面条友让佢哋上车先我会一齐X，佢要让位畀人就佢自己行返去后面再排过，我哋排队嘅冇同意过畀佢哋打尖”
网民斥：有啲人最钟意派1个做代表排队
“求吓啲老友记，坐地铁嘅时候唔该坐关爱座，我好怕你哋坐普通人位，但系关爱座系留空嘅”
“呢啲老嘢搭地铁冲上车抢位就身壮力健，抢唔到位就变番周身病痛”
“我宁愿佢扮晕/唔舒服，都好过大支嘢叫人起身让坐/攞架车仔撞开你抢位”
“仲有啲人最钟意派1个做代表排队，车嚟佢啲同行人士先出现一齐上车，我话吓咁多人都唔排队，佢话排咗，我哋一齐，我话咁都得，个个都系咁，仲使咩排队啊！坐巴士就话有位，小巴你突然咁样，好多人有位坐变无位要等下架，所以有时我同屋企人搭车，佢见到我排队叫我行前一齐搭我唔会行前，我话我排队，唔想俾人话打尖”
网民分享被插队经历
“我有次喺柴湾等小巴，我喺个栏排第一，有个阿婵唔排队，企队头，我话‘排队喺后面’，个阿婵好大声话‘我哋呢啲系优先㗎，唔使排队嘅，个个司机都知我哋唔使排嘅’，哦！明晒……阿婵年纪唔大，最多60几，唯一系揸住支拐杖”
“我有一次喺小西湾等小巴，排我后面系1个婆婆，架小巴得返1个位，我准备上小巴𠮶1秒，后面个阿婆，一手捉住小巴个扶手，话‘得1个位，我上啦’，我话‘1个位系我上呀’，佢话‘我上呀’，最后佢头也不回，成功打尖，依稀记得后面排队有人同我讲‘算啦 ，下1架’，我算佢妈咪算”
“有次等巴士我带住阿仔排头位，有个阿婆应该计啱晒时间，巴士啱啱埋站佢就到咗，由最尾行上轮椅位，我照带阿仔上巴士佢仲望住我，上咗车得番两个关爱座我同仔仔坐咗，佢仲特登叫我起身让畀佢坐，傻咗？我冇畀钱搭车？我紧系有需要先坐啦。连隔篱关爱座嘅妈咪带住个女都忍唔住出声话佢‘人哋带住个仔拎咁多嘢，你好唔好意思分开人哋㗎？行入啲揾位啦’，离晒谱，排晒长龙已经打咗我后面尖，入到车厢仲叫我让位畀佢”