天价濑尿虾？有食客在深水埗光顾大牌档，点叫1只濑尿虾要价420元，引来网民质疑餐厅“食水深”，“抢咩”、“好听叫海鲜价，唔好听就系水鱼价”，又笑称“贫穷限制我的想像”。但有留言认为餐厅若是明码实价，顾客餐后则不该嫌贵，“有冇讲明几钱只先落单呀，有讲明咁你呻X呀”、“食时已经知，食完话贵无嘢好讲”。

深水埗大牌档濑尿虾$420只！

该食客在facebook群组“香港茶餐厅及美食关注组”上传1张照片，指到深水埗光顾一间大牌档并点叫海鲜，但1只濑尿虾竟然要价420元，直言“觉得贵咗”。相中可见，餐厅以椒盐方式烹煮濑尿虾，上碟时在底层铺满炸至金黄色的蒜粒和辣椒，卖相来说可谓相当惹味，目测濑尿虾亦尚算大只，不过值不值得就是见仁见智。

大牌档被指“食水太深”：好过去抢

绝大部份网民都认为餐厅“食水太深”，“呢个系咪游客价……”、“即刻谂起，土豆牛柳粒系食土豆”、“今时今日食嘅系性价比，420（蚊）真心输晒！”、“抢咩”、“$100只炒完变$420”、“呢个唔系时价，系天价”、“望下特价优惠，食自助餐好过啦”、“椒盐濑尿虾很容易做，唔使出去俾人㓥银包”、“当年3只中型濑尿虾收我哋600蚊，唔知佢有无蚀俾我地，但以后唔会再叫海鲜”，又调侃楼主“吓到我濑尿”、“抵…收钱𠮶个”、“你直头系富豪”、“贫穷限制我的想像”。

好听叫海鲜价，唔好听就系水鱼价！

餐厅明码实价　网民：食完话贵无嘢好讲

惟有留言觉得餐厅若然明码实价，顾客仍决定下单则不应抱怨，“有冇讲明几钱只先落单呀，有讲明咁你呻X呀”、“无话贵唔贵，食时已经知，食完话贵无嘢好讲”、“香港出名嘅大牌档真系好高消费，人工贵、舖租贵，无计！”、“如果你识整就唔值，如果你唔识整我觉得卖你400蚊冇咩问题”、“佢整得好食满足到自己就唔紧要啦”。

（facebook＠香港茶餐厅及美食关注组）