零食展冻干夹糖售1元1克 女生批贵如抢劫 网民斥离谱：水鱼之都
虽说买与不买是丰俭由人，但这定价又是否合理？有女生近日到会展逛“零食世界”展览，发现有参展商以1元1克尝鲜价出售冻干夹糖，质疑定价昂贵，如同“抢劫”。她又形容，不少人在对价钱无概念下“帮衬”，令她“唔忍心睇落去”，直指“最伏伏伏！”。
网民直斥参展商，“离晒谱，呃啲对重量无概念嘅人”、“1蚊1克即系454蚊1磅，一咁谂知贵到黐线”、“呢啲真系骗案，夹咗知道贵其实无机会畀你返转头，除非你面皮好厚”，有网民甚至认为香港已变“水鱼之都”。
有网民则表示，“咁舖头都系明码实价，1个愿打1个愿挨，话唔定啲顾客系有钱人呢？”、“佢系freeze dry candy㖞，应该比一般糖轻，畀着我只会夹1粒试下”、“夹开糖嘅，大概食开$10/100g，应该都知贵咗10倍吧，如果无夹开嘅，sorry”。
“行咗成日零食展，呢两间最伏伏伏！”该女生于Threads发文批评“零食世界”展览两间参展商，第一间是争议最大的冻干夹糖摊档。
零食展冻干夹糖售1元1克 女生批抢劫
这间参展商以1元1克尝鲜价出售夹糖，女生认为定价昂贵，其间目击两男女各买了96元及130元夹糖，感叹如被“抢劫”，“我睇住其中两个被抢劫……一路见有啲阿妈同小朋友夹得好开心，佢哋应该无谂过$1/1g系有几贵！夹咗劲大杯，我唔忍心睇落去！好明显等人夹咗唔好意思唔要”。
女生：小朋友欲试吃被拒
女生说，听到有小朋友问可否试吃，“个职员话我哋无㗎！夹下啦，无最低消费”，小朋友接着问1粒几多克，职员未有回答。女生猜想，“试都无试过味，夹咗100g𠮶啲人，一定劲唔开心”，形容“我睇都唔舒服！”。
女生续批评另1间卖班戟的摊档，她以特价10元买了1件，“我净系食到cream同怪味！真心佢唔知用咩酱！”。
网民争议：明码实价 vs 太贵
帖文引起热议，网民纷纷批评，“$1/g真系狼过华秀只狗㖞”、“尝鲜价都讲得出”、“等啲数学差/无概念嘅人上钓”、“好X街，虽然大大块牌明码实价，但系有灌输误导感觉好抵，入到去个气氛会冇咗重量概念，$1/1G唔系1磅、1KG”、“做生意嘅嘢，预咗佢会赚下，但系咁X离谱真系好少见，仲以为系卖参茸海味”、“仲衰过斤变两再磨粉”、“去一田买和牛都唔使1蚊gram，佢啲糖咩来头咁值钱”。
有买了夹糖的网民表示，“夹咗78蚊，个阿姐仲要叫我小朋友每款夹多几粒试下，我就不停话唔使，直至到我爆一波，系咪夹多几粒试𠮶啲唔收钱，佢先收嗲”、“我夹咗10粒左右/58蚊，好差”、“上年我都夹过，夹咗1包仔都已经成90蚊，心谂使唔使咁贵”。有港妈表示，“我行过见到同小朋友讲有糖夹，阿仔话$1/1g呀！好贵呀！好彩佢平时夹开知价！”。
网民认为香港变水鱼之都：展览用作高速收割
另有网民附和批评班戟，“个班戟真系伏，食咗榴连味，但入面得啲唔系榴连味嘅果酱，其余9成9都系cream”、“我都系买咗榴梿味同芒果味，我小朋友话超难食，都唔知食咗啲乜”、“个10蚊班戟伏到呕，一摆入口完全就系细个食药水嘅味”。
有网民认为，香港已成“水鱼之都”，“淘宝糖成本$4人仔/120g，智商税系要交下！”、“而家喺香港买嘢，10成预咗淘宝有，浪费时间山长水远去迫，真系唔好玩啦”、“所有展览都系用作高速收割，香港地什么‘大特价’、‘什么展’，全部都系用作收割”、“以前啲乜乜展，会真系比街买平少少，又或者有啲好嘢送咁。而家所有啲乜乜展，90%档口都系揾笨，当参加者系水鱼咁嚟㓥”。
其他报道：有片│2大妈大闹OK便利店！增错值逼退回$200 店员做法获赞：好叻
到便利店增值必须留神，以免争拗。本港社交平台Threads疯传影片，有2名大妈到CircleK便利店（OK便利店）想增值800元到支付宝（Alipay），并递上2张500元纸币（共1,000港元），但因为“顾住倾偈”，店员2次确认是否“增值1,000”时都回应“是”，店员于是按指示增值1,000。结果2名大妈不满大闹便利店，逼迫店员退回200元。其间排在后方的顾客看不过眼，表示可以帮店员作证，讵料大妈反辱骂“聋嘅唔好出声！”。最终店员致电经理，按指示退回200元，2名大妈得手后离开。
影片震惊网民，纷纷批评大妈“恶人先告状”离谱，“自己唔啱仲声大夹恶？”、“好失礼，做佢哋仔女真系惨”、“好心唔好为难小职员啦。也有网民赞赏店员冷静应对“高EQ”，“真系好EQ，好叻……畀着我嘅话，我闹到你化啦！”。
“谁大谁恶谁正确？”有网民于7月19日在Threads发布影片讲述事件，指在OK便利店排队时，前面2名大妈想增值800元到支付宝，递上2张500元纸钞。收银店员2次确认是否“入1,000元”，但2名大妈专注聊天未有认真听听，重复回答“系”，于是店员“按指示”增值1,000元到支付宝，讵料大妈得悉后“发烂渣”狂骂店员，“𠮶个泼妇就闹收银员点解入$1000，明明就话系$800”，并要求个职员叫经理出来 。
OK便利店支付宝入数争议！2大妈骂店员逼退钱
楼主续说，排在大妈后方的灰衣男子的不过眼，表示可以帮店员作证，却同样被大妈辱骂，“排佢哋后面嘅灰衣男都听到系$1000，帮个店员讲都俾佢哋闹，又话要报警，但系其实明明自己就系挂住同人倾偈冇听清楚就答，仲要声大夹恶咁闹返店员转头，果然闹交𠮶阵时愈冇道理嘅人讲得愈大声”。
大妈：叫你经理出嚟吖！
影片看到，2名大妈正在收银柜台位置责骂男店员，其中穿蓝色大妈怒指“800蚊！”，店员回答“而家入咗无得退吖嘛”，与蓝衣大妈同行的灰色大妈喝斥“收声啦！无得退，咁叫你经理出嚟吖”。店员强调有人可以作证，但蓝衣大妈激动反驳，“有人听到？佢听到唔系事件嘅全部啊！你发紧梦啊！听唔到啊！你自己发紧梦唔认，仲喺度咁多嘢讲！”。灰衣大妈重申“叫经理出嚟”。
灰衣男见义勇为作证 被大妈辱骂：聋嘅唔好出声啦！
店员之后与大妈理论，大妈高声狂骂。这时排在后方的灰衣男子见义勇为上前，表示自己“听得好清楚（说增值1,000元）”，更表示可以报警，惟大妈反辱骂灰衣男，“你真系离晒谱啊！你唔喺度（咪）乱噏嘢啦！你仲话好清楚㖞？你听唔到！聋嘅唔好出声啦！”。蓝衣大妈随即把矛头再指向店员，“唔认数仲喺度咁多嘢讲！唔系有个喺度聋嘅乱讲嘢，你就喺度乱咁讲嘢啦！认啦！呢啲咁嘅人真系，做乜鬼证人吖！”，而灰衣大妈附和说，“你自己做错嘢你要负责返㗎！”。2名大妈更逼迫店员致电经理退回200元。
店员冷静应对 大妈取回200元即离开
另1段影片看到，店员正在按经理指示退回200元，其间大妈仍不停口责骂，“唔系你格硬嚟就得㗎喇！”、“如果唔系叫经理同佢（大妈）讲对唔住㗎喇。你咁细个学埋咁样做嘢方法！”，店员未有动怒，冷静地边处理退款边回应“你话点就点啦”、“系系系，知道”。最终2名大妈取回200元后，离开现场。
网民批大妈离谱：以为大声就有道理？
网民看过影片纷纷批评大妈离谱，“啲阿蝉真系麻烦，咁都系入咗个支付宝度，又唔会少咗200蚊”、“个后生仔店员真系惨，要受呢啲人气”、“唔使理佢哋啦，阻住晒后面啲人买嘢”、“以为大声就有道理咩？”、“小事化大”、“好失礼，做佢哋仔女真系惨”、“最憎系呢啲，职员都处理紧件事仲咦咦哦哦，仲话个职员错就要认又乜嘢，静静地等人处理啦，喺度烦烦烦”。
赞店员EQ高：好劲
也有网民赞店员“EQ高”，“真系好EQ，好劲，畀着我嘅话，我闹到你化啦，群众压力佢两个自然会收档”、“今日先喺呢间OK增值，呢位店员十分有礼貌，麻烦呢两个大妈嘅屋企人，带佢哋返屋企，唔好放佢哋出嚟乱咁吠”。
“公众地方行为不检”可罚款5,000元、监禁12个月
在香港，于商店等地方责骂店员，可能触犯“公众地方行为不检”等罪行。2025年12月，大埔超级城1间连锁火锅店有女食客用膳期间，疑不满牛肉质素大吵大闹，投掷碗碟击中1名职员，最终涉“公众地方行为不检”、“普通袭击”及“拒捕”被捕。
“公众地方行为不检”是俗称，原条文是香港法例第245章《公安条例》第17B(2)条“公众地方内扰乱秩序行为”，指在公众地方作出喧哗、骚扰、辱骂、侮辱性言词或行为，意图或极可能导致他人破坏社会安宁；一经定罪，最高可处罚款5,000元及监禁12个月。