有片│港铁老妇大声谈话被阻发难！抢手机拖港女出车:惊大声搭的士
乘搭港铁不应作出会滋扰其他乘客的行为。本港社交平台Threads疯传影片，1名香港女子乘搭港铁时，戴上降噪耳机亦难忍旁边1名老妇与1名中年男子大声交谈，遂礼貌地请求2人“细声少少”，讵料老妇极度不满，发恶反呛“妳咩态度啊？要求我哋细声妳咪坐的士啰！地铁唔可以讲嘢啊？”，更多次出手想打走港女手机，甚至使用暴力企图把港女拉出车厢。不过港女“不动如山”，继续据理力争，与2人理论直至影片结束。事发期间，有大批乘客围观及目击老妇暴力行为，但没有人帮忙港女或制止老妇。
事件引来网民热议，纷纷批评老妇离谱，“郁手郁脚，报警拉佢就啱㗎啦”、“地铁系公众地方，唔系佢屋企个客厅，出街做嘢讲嘢唔好影响到人”，又赞楼主“做得好”，“好勇，妳好叻女”。也有不少网民质疑为何没有其他乘客伸出援手，批评太冷漠，“点解无人帮个女仔手？出句声都要啦，郁手㖞”。
在港铁大声说话问题常惹争议。有香港女子于9月25日在Threads发布影片，指乘搭港铁时，有1名老妇与1名中年男子大声交谈，“AirPods（苹果Apple耳机）开埋消噪都听到呢两个人大大声讲嘢，成卡车都听到佢哋讲嘢”，她于是礼貌地请对方“可唔可以细声少少”，没想到老妇发恶并使用暴力，“大大声喝我，咩呀？关妳咩事呀！仲郁手郁脚，但掹我唔郁”。
【影片直击】港铁老妇大声谈话被劝“细声少少”！打走手机怒呛：惊大声坐的士啰！
影片分成多段，看到坐在座位的楼主，正与旁边的黑衣老妇争执。楼主举出手机拍片“自保”，老妇不满被拍摄，出手想打走女子手机，喝骂“影咩相先！边个问题先？”楼主反驳“妳郁手郁脚都系妳唔啱㖞，而家系妳问题㖞！边个郁手郁脚啊？而家咁多人睇住？边个有问题啊？我只系叫妳可唔可以细声啲少少啫”，老妇则批评楼主态度差，“妳咩态度啊？我哋好细声㗎啦，妳惊我哋大声妳咪坐的士啰，呢度系妳㗎咩！”。
妳惊我哋大声妳咪坐的士啰，呢度系妳㗎咩！
老妇发恶：港铁唔可以讲嘢啊？点为之细声大声呢？
老妇随后举手机反拍，多次揶揄楼主如怕别人大声说话，就自行坐的士，“点为之（说话）细声大声？唔可以讲嘢咩？坐地铁㖞，坐的士咩？要求我哋细声妳咪坐的士啰”。楼主强调只要希望收细音量，并非不准说话，“我叫妳讲嘢细声少少咋㖞，唔系叫妳哋唔好讲嘢㖞”，惟老妇继续“发难”，“点为之细声大声呢？妳咁惊人哋讲嘢妳咪坐的士啰！黐线”。
老妇企图暴力拉女事主出车：出去！ 女事主不动如山继续理论
这时中年男子“插嘴”叫双方停下，“不如大家唔好讲嘢啦，摆低手机啦”，并呼喝楼主“妳唔好再影喇吓”，老妇更突然使用暴力抓住楼主的手，用力想强行拉楼主出车，“出去啦！出去！”，但拉不动楼主，楼主反驳“我未到站㖞！”，并继续与2人理论，老妇则重复“妳做乜影我？要求我哋细声妳咪坐的士啰！地铁唔可以讲嘢啊？影响到妳妳咪坐的士啰！”。影片至此结束。
地铁唔可以讲嘢啊？影响到妳妳咪坐的士啰！
大批乘客围观但无人帮忙
双方争执期间，车厢内有大批乘客围观目击老妇暴力行为，但没有人帮忙楼主或制止老妇。
网民批老妇离谱 赞女事主做得好
网民看过影片纷纷批评老妇离谱，大赞楼主“做得好”：
“辛苦楼主”
“好勇，妳好叻女”
“（老妇）真系冇礼貌”
“郁手郁脚，报警拉佢就啱㗎啦”
“地铁系公众地方，唔系佢屋企个客厅，出街做嘢讲嘢唔好影响到人”
“我都会叫细声啲，但呢个女士真系郁手郁脚，之前啲鬼佬系地铁好嘈，我都叫佢哋细声啲⋯⋯”
“抵赞！下次佢郁手郁脚就即刻报警”
乘客冷漠不帮忙惹争议
也有不少网民质疑为何没有其他乘客伸出援手，斥责太冷漠：
“点解无人帮个女仔手？出句声都要啦，郁手㖞”
“我都试过，搭巴士2条友坐埋一齐讲嘢都好嘈，叫佢细声啲又系叫人搭的士，零（乘客）帮拖”
港铁滋扰乘客罚则是什么？
在港铁作出滋扰乘客行为，可被罚款。根据《港铁附例》第25条“乘客不得造成滋扰”，任何人不得在列车上或在铁路处所任何部份作出对其他乘客造成滋扰或烦扰行为，违者最高罚款5,000元。
普通袭击有什么刑罚？
出手抢手机，甚至使用暴力拉人出车厢，也可能触犯袭击罪行。根据香港法例第212章《侵害人身罪条例》第40条，任何人因普通袭击而被定罪，即属犯可循简易程序审讯的罪行，最高可处监禁1年。根据《侵害人身罪条例》第39条，任何人因袭击他人致造成身体伤害而被定罪，即属犯可循公诉程序审讯罪行，可处监禁3年。