不少人搬屋都会断舍离丢弃旧物，有公屋住户于网上发文求助，指出近日需“交吉”清屋，惟杂物太多，难独自清理，盼网民指点找何人帮忙丢弃收费会较便宜。

帖文引来大批网民积极留言推荐方法，有人提议可找大厦清洁工帮忙，“叫姐姐畀个最大嘅垃圾桶你放喺门口，掉完直接拉返落去垃圾站门口”、“揾返你𠮶座倒垃圾阿姐或者阿叔，畀少少钱佢帮你搞掂晒佢”。有网民指出房屋署有提供价钱得宜的清屋服务，大概750至780元，“上星期，我朋友俾房署掉，$750全屋掉晒，家私电器杂物乜都有”、“畀钱房署$780帮你搞掂全屋唔使烦，因为我试过”。

不过，有网民提醒付费请大厦清洁工帮忙清屋，无论对方是房屋署直接聘用，还是外判物业管理公司员工，皆可能触犯香港法例第201章《防止贿赂条例》。清洁工在没有雇主许可下收受住户利益提供服务，已涉“代理人贪污交易”，提供利益的住户同样犯法。一经循公诉程序裁定，可罚款50万元及监禁7年；一经循简易程序裁定，可判第6级罚款（10万元）及监禁3年。

该公屋住户于facebook群组“公屋讨论区”发文问道：“请问公屋交吉，但太多杂物要丢，自己执唔嚟，唔系家私，系家居杂物，应该揾咩人帮手执走丢弃价钱比较平？谢谢大家。”

公屋交吉杂物多　网民提议找清洁工帮手清屋

“一般床柜梳化洗衣机杂物佢哋都做，你问楼下保安攞清洁电话，清洁个阿头会上嚟问清楚掉啲咩，然后会报价畀你，平过搬屋公司”

“如果系不要的家居杂物，自己pack好一包一包，畀钱清洁阿姐一次过帮你处理去垃圾收集站，我搬离旧屋时都畀咗$100，阿叔帮我搬走1张3人梳化及1个大衣柜”

“我上次搬揾清洁阿姐，佢带1男1女帮我清屋杂物，拆衣柜、按摩椅、云石台、双人床、组合柜，佢叫我1人畀200蚊即共600蚊，我畀多100蚊佢哋饮茶，啲朋友话，佢哋咁搬要2,000蚊”

网民提醒勿找清洁阿头　或开天杀价收6,000元

“揾返所住大厦的清洁工问价，补充一定唔好揾阿头”

“我试过交吉揾楼下清洁阿头，掉几个柜几张床要我6,000元，开价唔眨眼！”

“边个叫你咁高调揾阿头啫，做人要低调啲下下揾个大嘅做咩”

网民提议：找搬运公司、收买佬、网上平台免费赠物

“你执好晒自己物件，有啲搬运公司都会帮手清理拆床拆柜，只要有钱，我而家都喺一条友清理紧间屋”

“你登上网，话免费，大把人帮你要”

“一般都系自己执返重要嘢，其他可以喺平台送畀人，环保唔浪费，或者叫搬屋公司处理喔，或畀钱你𠮶座清洁工人帮助清晒喔，或畀房屋署清都得，你可管理处查询价钱”

“你自己执，边啲要系自己最清楚，执完成堆唔要，揾收买佬上门睇，要睇有无值钱嘢？唔系收买佬都唔要”

网民：房署收700几蚊清屋　提醒拆吊柜或另外收费

“你畀700几蚊房署会帮你揼晒所有嘢”

“我冇改装，啲冷气机、热水炉、煮食炉、抽油烟机冇拆除，跟住叫佢房屋署整清理，连埋间屋啲床同家私收咗我几百蚊。首先你系要交屋清场，如果你挂喺度𠮶啲柜，佢就要逐样嘢同你计，如果你唔系挂上墙𠮶啲，佢系就咁一次过同你收一笔”

网民分享用尽多个清屋方法的经验

“畀参考你，雪柜、煲、暖炉之类畀晒清洁阿姐，呢啲冇条件要。

揾定收买佬，同佢讲有咩要回收，直接讲唔收钱，额外帮手清拆（当时 热水炉、洗衣机、冷气机、抽油烟机、铁床、大台），原定话畀返8旧水，但我话唔要，叫佢帮我拆晒入墙柜同掉埋。

揾搬屋佬时，额外指定清拆边啲会报价（拆咗双层3尺床、床褥、梳化、木柜，几百蚊）。

最后计返要畀返房署2,000蚊松啲，厕所自己改咗洗手盘同水箱管呢part预咗”

（facebook群组“公屋讨论区”）