失业5年成人生赢家？获派启晴邨1人公屋单位 女子：长期病好返晒
失业不上班才是人生赢家？有失业5年港女子近日于网上发文分享每日睡到自然醒的悠闲日常，不外乎晨运、去图书馆看书、打机、“煲剧”、钓鱼、跑步消磨时间，还收取50元友情价帮邻居放狗，一直有申请公屋的她最终第三派获启德启晴邨1人单位。楼主直言，“唔知点解，以前营营役役、俾老细捽，积落嚟𠮶啲长期慢性疾病好返晒，心灵都好宁静下”。
帖文引来不少网民认同上班是压力来源，只要“躺平”就能活得轻松，“香港人其实好多病痛都系喺份工度挨返嚟”、“躺平系治疗个人身心同社会顽疾嘅最有效药方”、“只要决定唔生仔，有绝症唔夹硬医，生活可以好轻松”，又羡慕排上公屋，“有公屋便是王道”、“得公屋得天下，虽然1人单位有点细”。
不过也有网民认为不上班会失去人生目标及有罪恶感，“如果我失业就会有啲焦虑，点都要揾啲嘢做下”、“没有工作，对社会没贡献，你会带住罪恶感，受良心责备，痛苦地过每1日”。有养家压力的网民则说，“唔使供楼、唔使养车、唔使畀家用老婆、唔使养仔女，梗系可以讲风凉话”，亦有人批评楼主有手有脚长期做无业游民，连散工也不找，“仲要沾沾自喜”。
该女子于Threads发文讲述失业后的悠闲日常，“自从失业之后，日日瞓12个钟自然醒，跟住牙都未刷，send咗10封信（寄工作履历找工作）先”。
女子分享失业后的悠闲日常
楼主表示，她会冲1杯奶茶当早餐，去公园做晨运后，就会去图书馆看书、杂志和报纸，回程买盒37元三𩠌饭多饭，分开两餐进食。
失业5年获派启晴邨1人公屋单位
楼主续说，下午会打机“煲剧”，黄昏去码头钓两条鱼回家蒸熟吃，晚上再去海边跑步及收取50元友情价帮邻居放狗。
楼主透露，一直跟家人居住，其间有申请公屋，失业5年后，最终第三派获启德启晴邨1人单位。她声言，“唔知点解，以前营营役役、俾老细捽，积落嚟𠮶啲长期慢性疾病好返晒，心灵都好宁静下”。
正于“奴工”行列的打工仔叹：日日好似行尸走肉咁
“我都好想辞职呀，去图书馆又无时间，所有嘢都要等放假先做得，请个假都内疚，明明圣诞好地地想请1个礼拜假当清下假。哎，我都唔知呀，好似放得愈嚟愈少假咁”
“我全职4年，咪日日好似行尸走肉咁。放假瞓一觉又冇咗，假期少长期唔够休息，冇晒人生，仲要返多40年，成日病，成日眼瞓，人生空白一片”
“以前做自由职业人工低但休息充足，唯一压力系经济，上咗岸做正职，工资高系开心，结果做到5年开始肠胃出晒问题，讲紧每日准时收工都系会压力大到咁”
网民：失业有家人及积蓄压力
“同样失业，同屋企人同住，无形压力难搞”
“咁你都叫有50蚊收入，冇收入冇积蓄的话，失业就会系地狱”
网民认同：唔返工系对心灵最有性价比的疗愈
“移民、转工都不如改变心态”
“唔返工一排就系对心灵最好最有性价比的疗愈”
“香港地，未结婚无家庭负担就已经赢咗老板，生活可以好轻松”
“根本life hack（生活黑客、生活妙招），对抗rat race（老鼠赛跑，令人筋疲力尽、竞争激烈的生活或工作方式）嘅最好方法”
“唔使返工打扮化妆，又唔使繁忙时间逼巴士地铁，又唔使返工区食打工仔lunch set，仲要赶头赶命1个钟，仲有返工受气导致嘅报复式消费”
同为失业大军一员的网民分享日常
“失业时，日日落街跑10k（公里），又瞓得够，早睡早起，带我家3鸟5龟出街晒太阳，洗龟缸+龟箱+雀笼，屋企大把书，1日睇1本，仲可以出街行，约朋友食lunch，1星期至少行1日山，𠮶时，精神和身体最好”
“我都差唔多，自从有情绪病后冇返工，每日起身做15-20分钟运动，食早餐，做下家务，煲下汤整下𩠌，有时间画下画，食晏，接放学，瞓晏觉，煮饭，hea睇电视，做yoga，浸脚，瞓觉，情绪问题好返9成”
“例如星期二睇戏又平，人哋返工你睇戏包场，去睇下展览，又唔使同人逼。失业之后，个人精神咗，面色好咗，皮肤都靓咗，有时约朋友食饭想扮惨都扮唔到”
“好佩服楼主失业仲可以咁规律，我失业后成日失眠（因为无返工唔够攰，平时又瞓得太多），所以成日半夜12点瞓，凌晨2点起咗身，清晨6点先瞓到，或者直接清晨6点瞓，每日下午茶先起身食嘢。使费系少咗啲啲嘅，但因为自己搬出嚟住，租金就点都要计，反而食嘅自己煮就少咗啲啲”
“自我失业1年，将开支减到最低，好开心。人生可以喺壮年有咁嘅体验唔使等退休，我呢代唔知有冇退休𠮶日，自己觉悟要做到70岁，咁不如做下抖下又做下。日日做自己钟意嘅嘢，瞓到自然醒，做下家务，出去买𩠌煮饭，去做运动，玩够皮又1条好汉，现在投入返职场”
“疫情滞留咗喺香港，日日瞓到中午起身煮个面，睇剧睇到夜晚又煮个饭，再睇剧打机玩到半夜瞓，真系压力全无，抑郁症都好返”
于英国生活，只做兼职的妈妈分享：
“我喺英国，只做part-time。每日瞓到自然醒，之后放啲餐具入洗碗碟机，做下运动，食个牛油果多士，就揸车去超级市场买嘢。下昼返part-time，大概3至4个钟，返到屋企个仔已经煮好晚餐一齐食，食完一齐睇电视，夜晚11点就瞓，生活轻松愉快”
39岁就退休的网民分享财自生活
“我同你一样，不过唔系失业，系39岁退咗休，退休几年，都系日日瞓到自然醒，瞓醒已经1、2点，已经冇咗半日市，然后喺床喺梳化hea下，有时4、5点先出去食个下午茶餐，1日1餐加啲零食就搞掂。如果𠮶日早咗2、3点食第一餐嘅话，就喺屋企楼下街市买10蚊两款菜，仲可以食两日，每日见住其他人营营役役返工好开心。不过其实好多香港人系已经财自（财富自由）唔使返工，有时去饮茶睇得出佢哋都系同我一样退咗休。其实消费真系可以好低，我尽量自己煮健康啲，食原型食物，豆腐$6，急冻鸡胸除返开都系$6件左右，有时食下三文鱼、南瓜、猪肉等，一日点都唔使$100，有时我每日只使$10或$0”