轮椅婆婆上九巴卡斜板 一度站起身惹质疑 网民：长者行唔到太耐
社会应多点关爱与体谅，而非充满戾气与批评。近日网上流传影片，有婆婆驾驶电动轮椅上九巴时，轮椅疑未够冲力，卡在斜板上，轮椅车轮更向右差点冲出斜板，婆婆情急下一度站起又坐下，似想着用脚行走上巴士，身后有名穿白色上衣的候车男乘客见状帮忙推轮椅，婆婆终成功上车。
婆婆一度能站起来的画面引来网民热议，有人质疑“扮伤残”、“现神迹”、“佢其实大髀几好力，前高后低都可以轻松企直”、“根本行到喺度要人招呼佢”。有网民就解释有需要坐轮椅的人并非全是下半身瘫痪的人，有机会是腰椎痛、肌无力、心肺功能衰退等原因，“真系一定要企唔到行唔到先坐轮椅？人哋可能因为痛症行唔得耐，一段片就断定人哋扮伤残，积下阴德啦”、“中立啲来讲，讲真好多坐轮椅都行得，只系年龄老了，行唔到太耐，加本身有疾病”。
有自称认识婆婆的网民表示，婆婆今年已87岁高龄，“膝盖退化疼痛但未能做手术，虽然佢可以站立同行几步，但行得远一点都依靠坐轮椅”，希望网民若不清楚情况，就不要胡乱批评。
目击事件的九巴乘客于facebook分享影片，见到1名婆婆正驾驶电动轮椅登上64K线往大埔墟站的九巴，女车长放了轮椅斜板在行人路上，惟轮椅疑未够冲力，卡在斜板上，再用力时轮椅车轮更向右差点冲出斜板，女车长立即扶着轮椅以防翻侧。
轮椅婆婆上九巴卡斜板 一度站起身惹质疑
随后，婆婆情急下竟一度站起身，待旁边的人调整好轮椅方向后再坐下，身后有名穿白色上衣的候车男乘客帮忙推轮椅入车厢，婆婆终成功上车，女车长扬手示意感谢。
有目击乘客质疑婆婆“扮伤残”：起身推车去轮椅位
“佢行得走得呀，最经典最好笑就系佢上咗车之后会起身推架车去轮椅位，跟住坐番落张轮椅度，到咗总站又要司机落板，但佢又控制唔到部轮椅，险象环生！”
自称认识婆婆者吁体谅：膝盖退化疼痛但未能做手术
“呢位长者已经超过85岁，膝盖退化疼痛但未能做手术，虽然佢可以站立同行几步，但行得远一点都依靠坐轮椅，请各位唔好咁无知，如果你觉得佢驾驶方法有问题，请上前帮佢，而唔系畀把口批评！”
“其实呢个婆婆有三高，心脏做过手术，加咗个心脏起搏器，关节疼痛退化，有啲人唔知道，喺度乱噏廿四，就叫做不知所谓，一啲同情心都无，请不要乱咁批评人，谁人没有病啊，要清楚人哋的事情，才去批评，积下口德好冇。（婆婆今年87岁啦！）”
网民指坐轮椅不一定完全不能走动：可以用同理心去待人吗？
“轮椅系帮‘行动不便’嘅人，唔系一定要‘唔行得’，好多人膝头哥行几步就好痛”
“好多老人或肌肉退化，脚无力，所以用轮椅代步”
“唔单止身体上嘅问题，心肺功能有问题，行得多会唔够气，都需要坐轮椅，无知真系好恐怖”
“其实坐骨神经痛都会影响到，佢腰痛可能令脚冇力都会坐轮椅，坐轮椅唔一定系脚伤残或者断脚先坐得，可以用同理心去待人吗？”
“其实好多残疾人士系耐力唔够，唔系行唔到，如果佢出街佢可能系行到10分钟就要坐，好明显佢轮椅上面有士的（拐杖），唔系扮嘢，而且佢揸架轮椅系唔顺手，佢可能系新手，或者复康人士，佢起身都系代表佢怕畀到麻烦人哋，想自己行上去，我觉得大家唔好恶性去攻击人哋，佢残疾并唔代表佢想，佢都需要时间去适应”
“所以话人扮嘢𠮶啲人，因为佢屋企人无人坐轮椅，唔知坐轮椅系一件好麻烦的事。行商场，坐住轮椅要等电梯，等好耐都入唔到，而且坐轮椅有时仲要兜1个大圈先去到门口或电梯”
网民建议车长降低车头、勿停太近行人路
“博爱医院呢个站真系唔方便轮椅上落，又斜路又系弯位”
“不过睇到一个问题，有时啲司机停得太埋，斜板太斜，轮椅会好难上车的”
“我也是坐轮椅的，其实巴士要降低，电动轮椅上去是要少许冲力，冲咗上去要急停转弯，个度好窄，要技巧，请体谅一下”