北角伯伯反锁霸上海商业银行ATM中心睡觉 市民无奈：只系想拎钱
露宿者无家可归虽可怜，但也不能将银行范围当作私人睡房吧？近日网上疯传1段影片，有老翁凌晨时占用上海商业银行北角分行自动柜员机中心，铺地垫酣然大睡，却有绳子反锁两道玻璃门，令外面的人无法进入。有市民欲进去使用提款机时，惊见眼前震撼一幕，立即拍下影片上载到社交平台，无奈道“我都只系想拎钱”，事件引来网民热议。
网民直指，“唔系讲笑，第一眼以为有人瓜咗”、“北角惯犯，不过入唔到都好啲，佢都几臭”。有人批评该老翁离谱，“喺入面瞓都算，锁埋当自己屋企真系大癫”，又呼吁楼主应报警及通知分行，以防更多人“有样学样”，“银行提款空间属于银行范围，而家被不明人士喺里面反锁，身为好市民，应该立即报警”、“尽好市民责任，见疑即报，话有人晕咗，好危险，有生命危险”。
该市民11月10日凌晨1时50分于Threads发文大呻：“其实我只系想用atm（柜员机）拎钱，想请问你哋银行晚上连atm都唔提供服务吗？”
北角翁反锁银行内躺地睡觉 市民未能用ATM超无奈
影片见到，上海商业银行北角分行自动柜员机中心的两道玻璃门，被人从内部用绳绑着门把手反锁。楼主走近一看，赫然发现有名老翁脱鞋平躺在1块绿色地垫上，张口大睡，其身旁铺满纸巾，并放有3个纸杯及2个装了物品的胶袋。
楼主无奈未能入内使用提款机取钱，“我唔介意你喺入面瞓，我都只系想拎钱，但你咁样用绳反锁成间银行就真系好有问题”。
上海商业银行称已联络社福机构
上海商业银行回复《am730》查询时表示，关注英皇道分行自助银行服务区曾出现未经授权占用的情况，已跟进事件及检视相关安排。上商称关注到近日天气开始转凉，故已联络有关社福机构，协助有需要的露宿者获得适切支援，又就事件引起客户不便致歉，并感谢客户的谅解。
网民直斥老翁行为离谱，不应把提款中心当作私人房间：
“香港越嚟越无奇不有”
“日日有离晒谱的事发生，觉得社会愈来愈倒退”
“佢都瞓得几安乐”
“佢话我无钱用，你哋都无得用”
“北角同炮台山真系好X多人瞓街”
“如果有1个仲癫过佢嘅，锁佢喺入面，等佢出唔返嚟就好笑”
网民：喺入面避寒都算了，使唔使锁埋呀
“通常佢哋一系当呢度系避寒中心，或者有时候因为太X热喺入面凉冷气，但系不过锁X住间银行真心有啲X街”
“佢要喺入面避寒都算了，使唔使锁埋呀，惊俾人打劫咩。不过就算佢唔锁住，但瞓喺度，我都唔敢入去㩒钱，惊俾佢打劫！”
“虽然瞓街都系辛苦，但唔系咁样霸了人家地方走去瞓，如果今日可以咁样霸，不如迟下去人家屋企同样反锁瞓觉，真系奇怪的事日日有”
“忽然开始明白点解中银收工时，连ATM𠮶part嘅冷气都闩晒”
网民吁报警：有人被反锁室内，唔知生死
“佢系咪晕咗，报警call白车送佢入医院瞓”
“可以报警话有人疑似反锁自杀，担心急需报警”
“作为1个好市民，见到有人被反锁室内，唔知生死，真系好应该报警，救得1个得1个”
多人认出老翁是惯犯：长期霸占银行过夜
“此人长期在这里过夜，曾查问银行员工，已尝试报警，但仍被继续长期霸占”
“原来佢搬咗嚟呢间，以前喺前少少𠮶间银行瞓，每次经过都好臭，然后真系有人报警以为佢死X咗，支持报警搞搞佢”
“如果无认错地方系咪北角麦当劳隔篱𠮶间，之前经过佢都无锁门斋挨住一边瞓，估唔到宜家进化到锁埋门”
“如果无认错呢间应该系北角分行，好多好多年前做过，以前做紧𠮶时有啲露宿者仲喺度小便，臭到呢，原来而家会锁门喺入面瞓，btw支持报警”
网民分享类似经历：遇流浪汉在银行内睡觉吸烟、飘散大小便臭味
“我完全理解你嘅愤怒，去年我曾经遇过有条流浪汉。又系匿埋喺入面瞓觉仲食烟，我想去㩒钱，争啲喺入面窒息而死，翌日我去分行投诉咗”
“我见过汇丰有流浪汉，入到去大小便味道，夏天比较多人通宵占据，试过一次见到有个后生男仔揸住个背囊瞓喺渣打入面，真系吓死，跟住1个钟头后见到佢起身，去大家乐食早餐”
（Threads@1iiliii___授权）