《寻秦记》电影版，由古天乐担任总监制及主演，截至昨日（7/1），上画一星期票房已达5000万，走势凌厉。市面更掀起一片“寻秦热”，不单追捧电影版，更会重温剧集版，讨论当中剧情。其中有网民就讲到剧集版大结局，明明讲到郭羡妮饰演的琴清身怀六甲，项少龙将会有第二个小朋友，但为何来到电影版，该伏线未有交代？早前，戏中的乌廷芳宣萱，接受《香港01》访问时，便提到这一幕，更为大家透露琴清骨肉的去向。

鸣谢
化妆︰Will Wong（宣萱＆朱鉴然）
发型︰Keith Wo（宣萱＆朱鉴然）
服饰︰Polo Ralph Lauren（宣萱）、MR PORTER（朱鉴然）
场地︰FWD HOUSE 1881

寻秦记电影专访｜帮朱鉴然击退古天乐　宣萱︰佢企喺度已经好惊

琴清骨肉冇咗？

谈到廿年后再演同一角色，宣萱觉得未算难忘，最难忘是能够跟同一班演员再聚，她特别喜欢那份感觉。“即系见到滕丽名，我觉得𠮶个唔系佢，系善柔嚟。又有一幕我同郭羡妮嘅一场戏，已经打紧灯，都仲未谂好点演好，大家都好惊，但一埋位大家就知点做，好钟意呢种感觉。”提到琴清，不少观众都记得在结局一幕，她是怀有项少龙骨肉，那么来到电影版，为何未有交代？原来宣萱在开拍时已有同一疑问︰“我都有问剧组，佢哋话你当佢冇咗（夭折咗），冇特别去交代。”

TVB曾想开续集　宣萱︰边个演，边个会出事

至于最佳拍档古天乐，宣萱跟他在观众眼中，向来是最受爱戴的CP，拍摄时大家亦默契十足。不过廿年过去，今次再合作，古天乐予宣萱的感觉就有点不同︰“因为今次是天下一的电影，古生在现场好认真，好紧张每个镜头，所以当我睇番以前啲花絮，我都会好挂住当时嘅佢，可以好轻松地拍摄，而家压力大啲，要兼顾嘅范畴亦多咗。”

正正就是这份专注，令古天乐成为《寻秦记》影视版本的灵魂人物，宣萱更爆在古天乐离巢后，TVB原来都曾经打算揾人顶上开续集。“公司都有打算开《寻秦记》续集，我第一时间谂边个演，边个会出事，我暂时都睇唔到有一个人会做得好过佢。”回想当年拍摄，宣萱睇住古生在现场不停执剧本，执到好笑为止。“所以项少龙呢个人物太深入民心，要演到角色所讲的靓仔有型，迷倒所有女性，而又幽默好笑，要超越佢真系好大压力。”

宣萱形容跟古天乐关系︰冇目的的友谊

大家都知宣萱可能是圈中，唯一敢窒古天乐的女人，而在工作上，亦是最敢给予意见的拍档。“有次佢谂咗个gag，彩排时做出嚟，身边好多人都笑紧，但我真系觉得唔好笑。当大家喺度执灯光时，当时得我企佢隔篱，于是我直接同佢讲，觉得头先个gag唔好笑。佢望一望我，跟住再入番去就冇拍到。”

宣萱觉得这是源自大家的互信，是为对方好。“大家识于微时，由《餐餐有宋家》开始合作，大家又好清楚我们之间的友谊，是冇目的。佢知我唔会讲假话，觉得唔好笑就会讲番佢听，等佢自己再消化，当然有时佢觉得好笑嘅，最后都会照做。有时系要有个人帮手提点下，一齐开工尽量想轻松开心。”