大埔宏福苑五级大火惨剧发生近5个月，7幢灾厦居民分三轮上楼执拾，今日（23日）轮到宏仁阁及受灾严重的宏昌阁低层住户回家。傍晚苍天泣雨，余小姐执拾后离开时亦泪流满面，不时回头哭别，“好唔舍得我屋企，呢度系一个我好钟意嘅地方‥‥‥”其住所虽未被火吻，保持完整，但她深明无法再住，“学识断舍离，都唔想返嚟。”

居民周小姐住所亦避过火烧，与家人收拾了20袋细软，并会再次申请上楼，“想攞晒我哋啲家当”。她表示，上楼前夜不能眠，心情紧张，上楼后亦不敢拍照留念，慨叹：“谂住喺度到老，冇谂住今日道别咗我哋嘅家。”

居住宏仁阁3楼的周小姐，偕丈夫女儿回家收拾细软，表示自己单位没有被烧毁，今日执拾了油画、结婚相、证书及楼契等重要物品。她指，已透过“一户一社工”申请会再次上楼，无论有多少次机会上楼，都会选择上去，叹谓：“想攞晒我哋啲家当，全部嘢都系我好辛苦买返嚟储返嚟”。她们一家几乎用尽当局给予的3小时时间，收拾了约20袋物品，“或者一张纸一只公仔喺其他人眼中系冇价值，但对我哋好重要，我哋真系好伤心。”

周小姐慨叹，由结婚买楼，便居住在宏福苑，“谂住喺度到老，冇谂住今日道别咗我哋嘅家。”她由知道可以回家一刻“冇一日系放心过，紧张，晚晚都瞓唔到”， 亦因火灾情绪受困，需要会见心理临床学家。社工着周小姐为单位拍照，但她害怕相片会勾起伤痛回忆，“我唔敢影，我惊影咗之后睇返日后仲伤痛⋯⋯”因此周小姐只向家园道别，无奈称：“我就唔留念幅相，始终都要同屋企道别，明明我屋企冇烧到，但系都要冇咗个屋企”。

大埔现场雨蒙蒙，收拾物件搬落楼，难免会更狼狈，周小姐身穿著雨衣，认为整体流程顺利，赞扬民安队“好帮手，我哋好重个啲，佢哋都帮我攞晒，真系辛苦晒佢哋。”其后人员帮忙推车仔，将家当搬到等候区，警察再帮忙召车。

同样为宏仁阁居民的余小姐，下楼时情绪激动，痛哭流涕，更不时回头张望自己的家，她痛哭指：“我好唔舍得我屋企，呢度系一个我好钟意嘅地方。”其后又向记者展示手机相片，其单位完整无损，指：“我屋企好靓，冇烧到”，但无奈未能再回家居住，表示“我知道冇可能⋯⋯”过去的回忆及生活痕迹抹不去，她直言：“好唔舍得离开呢度，但系冇办法，冇得返转头”，不知道要用多少时间才能忘记。

火灾后余小姐首次回家，再勾起伤痛情绪，指：“呢两个月好返少少，但我返到嚟就好唔开心”，指当初得知能上楼亦很挣扎，指若“学识断舍离，都唔想返嚟。但唔知我做唔做到”，余小姐表示今日收拾了衣物、碗碟等日常用品，但收拾不了全部，叹息“其实成间屋嘅嘢我都好钟意，但我依家攞咗都唔知摆去边。” 虽然有好心人愿意提供迷你仓，予居民存放物件，但她无法打包全部，“摆唔晒我啲嘢，你谂吓一家人嘅生活，一个屋企嘅嘢，点会有咁大间屋俾你摆到。”