农夫公开发售第二场《农夫全香港最好笑嘅演唱会》门券，一小时内全部售罄，这个消息，令到陆永及C君都觉得有点受宠若惊，并且开心宣布再加开终极母亲节日场！4月8日Klook率先订票，4月9日Urbtix公开发售，仍想买飞的歌迷一定要留意了。

农夫开心宣布加母亲节日场

C君直言，16年前红馆开骚，只做一场，没想到16年后，可以开三场，进步了3倍(300%)，“呢个我估三场暂时系我哋体力极限啦，红馆要多好多力。咁点解开日场，因为𠮶日系母亲节，等大家下午嚟睇完骚，晚上可以开开心心陪阿妈。咁如果有人睇完唔开心，都一样晚上可以陪阿妈，做人最紧要孝顺嘛。哈哈。”

农夫门票预留六成飞公售

问到陆永，系咪一早揾麦玲玲算过，今年行运，所以今年一开就爆，一开又爆，陆永笑言，“冇呀，玲玲仲算紧佢有冇飞俾朋友，但系师傅好好，话会力撑我地每场都出现，哈哈。”
外间不停有人话抢唔到飞，所以大会公布，第三场会有超过六成门票公开发售，希望更多人抢到，C君话，“冇试过搞咁多场咁大型嘅演出，净系平时睇新闻，啲歌手朋友开骚，话自己都唔够飞，要俾钱去公售日抢飞返来应酬屋企人同朋友，原来系真，原来呢啲事都会发生系我哋自己身上，好奇妙。”

第三场，C君笑言，自己母亲、外母呀咁一定嚟支持，“最好完骚后，主办揾间又靓又好食嘅餐厅搞个庆功宴啦，咁我哋咪可以带埋老母、外母去食饭，完show兼祝大家母亲节快乐啰，哈哈。”