港姐季军袁文静日前以“在TVB做艺人到底有多辛苦”为题，在社交平台上载了一段视频。她在片中透露撞正生理期，在台上企足8小时情绪崩溃：“现在（凌晨）3点钟，我收工了，刚刚因为我的腿太痛了，我的眼睛都哭肿了。”袁文静在等车回家期间，更因体力不支而直接坐在路边，并展示自己全日仅以便利店的即食点心充饥，画面令人我见犹怜，事件引起网上关注。

袁文静今日（6/10）现身将军澳出席无线节目《攻你上大学》录影，袁文静接受《香港01》访问时表示：“着住高踭鞋10几个钟，真系我人生第一次。今日个人就冇唔舒服，只系咁啱𠮶日月事，所以个人系更加会攰啲。（咁嘅工作性质有冇吓亲你？）其实选港姐嘅时候已经体验过，变咗就唔会特别觉得好难受。所以我觉得其他演员真系好犀利。（拍片嘅时候因乜事喊？）当时系因为觉得又痛又攰，同埋觉得之前未试过做嘢咁辛苦。”

问到会否继续坚持到？袁文静说：“我一定可以坚持到嘅，最紧要俾啲时间我休息，唔可以一星期都系咁样，如果系咁可能坚持唔到，俾我几日休息就可以做到。（有时真系冇得休息！）咁我就要训练吓自己个身体，食多啲嘢。（怕唔怕咁挨会快衰老？）唔紧要，只要俾我瞓觉，我块面就精神。”